بعد بطولة الجزء الأول.. أحمد مالك يعلق على مشاركة شقيقه في هيبتا 2: رزقه من رزقي
علق الفنان أحمد مالك، على مشاركة شقيقه حسن مالك في فيلم هيبتا الجزء الثاني، وذلك بعد مشاركته هو شخصيا في الجزء الأول من الفيلم، والذي عرض عام 2016.
وقال أحمد مالك خلال لقاءه مع القاهرة 24: اتخضيت لما عرفت بخبر مشاركة حسن مالك في هيبتا 2، واتبسطت له جدا، ده أخويا في الآخر ورِزقه من رزقي.
كما كشف أحمد مالك كواليس مشاركته في مسلسل مطعم الحبايب، حيث أوضح أنه تحمس للدور بسبب رغبته في التعرف على عالم الطبخ، مشيرا إلى أن التجربة كانت ممتعة، متمنيًا أن ينال العمل إعجاب الجمهور.
أحمد مالك يكشف تحضيراته لمسلسل مطعم الحبايب
وواصل أحمد مالك: روحت أول حاجة نزلت مطاعم ووقفت في المطبخ لفترة وحاولت أفهم العالم ده عامل إزاي، واكتشفت أن الوقفة في المطبخ مهلكة وصعبة قد إيه، واتعلمت أساسيات الموضوع وده عرفنى على الدور والشخصية أكتر وأنا حبيت الدور جدا.
وبشأن كواليس العمل، علق أحمد مالك: الكواليس كانت ممتعة والكاست كلهم أساتذة وليهم تقل كبير جدا وتاريخ في الكوميديا، فطبعا ده كان بيتعكس عندنا في اللوكيشن فالموضوع كان لذيذ، وهدى المفتي من الشخصيات اللي تحس أنك اشتغلت معها قبل كده لمدة سنين طويلة، فكان في تعاون وهي ممثلة مهمة وعندها كتير فاستمتعت بالشغل معها.
