زوجة مؤمن زكريا عن واقعة فبركة السحر: استغلوا مرضه وشهروا بيه| انفراد
أمرت النيابة العامة اليوم الاثنين، بإحالة المتهمين في فبركة واقعة سحر وأعمال سفلية لـ مؤمن زكريا، إلى محكمة الجنايات، على خلفية اتهامهم، باختلاق واقعة العثور على أعمال سحر سفلية للاعب الأهلي السابق وحددت غدا أولى جلسات محاكمة المتهمين.
واقعة فبركة سحر مؤمن زكريا
وحصل القاهرة 24 على نص التحقيقات في واقعة فبركة السحر للاعب مؤمن زكريا، بعدما استمعت جهات التحقيق لأقوال زوجته.
وعن تفاصيل الواقعة، تحكي زوجة مؤمن زكريا، أمام جهات التحقيق، قائلة: اللي حصل إن مصطفى ابن بنت خالتي قالي إن فيه ناس كلموه عن زوجي لأنهم لقيوا سحر معمول له وكانوا عايزينه يشوف الطلاسم قبل ما يجيبوا شيخ ويفكها.
وأضافت: قولت له ابعتلي رقم اللي لقي السحر وأنا هكلمه، واتفقنا إن مؤمن يروح تاني يوم له، ولما راح زوجي ووالده وشافوا الحاجة وكان معاه ناس صحابه وعرفت من مؤمن إنه لما راح فيه ناس تانية كانت موجودة، وهو شاف العمل كان في مايه.
وعن تأذيها من المتهمين بفبركة السحر، قالت: أنا مفيش ضرر وقع عليا، بس أنا جيت أشهد باللي حصل ومين اللي كلمني ومين اللي كانوا موجودين في الواقعة.
كما تضمن نص التحقيقات ما يأتي:
س: ما الطرق الاحتيالية التي لجأ لها المتهمون؟
ج: استغلوا الواقعة المفبركة في التشهير بالكابتن مؤمن زكريا وطلعوا في برامج ونشروا الفيديوهات للموضوع واستغلوا مرضه وشهروا بيه.
س: هل تبع ذلك طلب مبالغ مالية؟
ج: معرفش.
س: - هل تبع ذلك أي طلبات أخرى؟
ج: معرفش.
س: هل وقع ضرر مادي أو أدبي عليك؟
ج: الضرر إنه شهّر بيا وبمؤمن ونشروا الفيديوهات على مواقع التواصل الاجتماعي عن موضوع إن معمول له عمل.
