كانوا عايزين يطلعوا تريند.. بدء أولى جلسات محاكمة المتهمين في قضية فبركة السحر لـ مؤمن زكريا
بدأت محكمة جنايات جنوب القاهرة بمجمع محاكم زينهم، اليوم الثلاثاء، أولى جلسات محاكمة المتهمين في واقعة فبركة سحر للاعب مؤمن زكريا والتشهير به على مواقع التواصل الاجتماعي واصطناع تريند مزيف.
بدء أولى جلسات محاكمة المتهمين في قضيه فبركة السحر لمؤمن زكريا
واستمعت جهات التحقيق لأقوال مؤمن زكريا، والتي وجاءت كالآتي: اللي حصل إن لقيت واحد قريب زوجتي اسمه مصطفى، كلمها وقالها إن فيه واحد جارهم اسمه محمد إمام، قاله فيه ناس لقوا عمل معمول لمؤمن في المقابر عشان كان العمل معمول عليه صور بتاعتي وكمان كان فيه عروسة مربوطة من إيديها ورجليها ودبابيس وكان عليهم طلاسم.
وأضاف مؤمن زكريا في التحقيقات: قالولي تعالى المقابر عشان تشوف العمل، ولما وصلت قابلت الناس اللي اتمسكوا وكان معاهم واحد هرب وهناك وروني الحاجة في مياه بملح والورق كان دايب في المياه، وكان فيه صورتين واحدة كبيرة وواحدة صغيرة عليها طلاسم، وكان فيه عروسة مرتبطة من إيديها وكان مكتوب عليها طلاسم والورق كان محطوط في المياه ودايب.
وأوضح مؤمن زكريا في تحقيقات السحر المزيف: بعد كده أخدنا العروسة وبقيت الورق، وهناك كان فيه واحد بيصور الموضوع من وقت ما دخلت المقابر واستأذته إنه ميصورش ويمسح الصور دي ومحدش ينزل حاجة ولا ينشر حاجة، وبعد كده فوجئت بتداول الصور على مواقع التواصل الاجتماعي ونشر أخبار خلال وجودي بالمقابر.
