رش ميه على العربية.. ننشر أقوال أحد شهود واقعة دهس شاب أمام قاعة أفراح في أوسيم
كشفت التحقيقات في واقعة المتهم بالاعتداء على شخص ودهسه بسيارته، في منطقة أوسيم، وذلك انتقامًا منه لرشه بعض قطرات المياه دون قصد على سيارته، تفاصيل الواقعة.
دهس شاب أمام قاعة أفراح بأوسيم
وحصل القاهرة 24 على نص التحقيقات، وجاءت أحد أقوال الشهود على الواقعة كالآتي: أنا كنت واقف وشفت المدعو أحمد.م وهو بيخبط المجني عليه محمود أبو زيد.
س: هل هناك صلة فيما بين المتهم والمجني عليه سالفي الذكر؟
ج: هما من عيلة واحدة
س: وما الذي أبصرته إذا حال وقوع تلك الجريمة؟
ج: اللي ما شفته إن المجنى عليه محمود كان بيرش مايه بخرطوم المطافي في ساحة الانتظار بتاعة قاعة الأفراح اللي شغالين فيها عشان يعمل اختبار وصيانة خرطوم الحماية المدنية ويتأكد إن قوة الدفع في الخرطوم شغالة ومفيهاش مشكلة وفي نفس الوقت أحمد محمد يلف بعربيته جنب الساحة وهو معدي جم شوية ماية على العربية، ففوجئت إن هو رجع بضهرة بالعربية ولف وجه على محمود أبو زيد ومحمود اللي كان واقف جنبه وبعدها لقيته جاي بسرعة جنونية ودخل في محمود أبو زيد وشخص تاني فدى نفسه وبعدها محمود وقع على الأرض والعربية وقفت فوق الرصيف وأحمد راح نازل من العربية وقعد يضرب في محمود وإحنا حوشناه من عليه وودينا محمود على المستشفى ودا كل اللي حصل.
