السيسي: كل 10 سنوات تُكتب صفحة جديدة للرئيس السادات يحكي فيها التاريخ كيف هزم خصومه رغم رحيله
حرص الرئيس عبد الفتاح السيسي، رئيس الجمهورية، على توجيه التحية للرئيس الراحل محمد أنور السادات، وما قدمه لمصر، قائلًا: هقولكم على حاجة سمعتها كانت لطيفة قوي، لما تكلمنا عن الرئيس السادات، وقولنا إنه ساعة ما عمل اللي عمله مكنش ساعتها كل خصومه كانوا كسبانين، ساعتها في الوقت ده كل الدنيا قاطعت مصر.
وأضاف الرئيس السيسي خلال كلمته أثناء افتتاح عدد من مشروعات النقل ومحطات السكك الحديد: بيتهيألي إن كل 10 سنين بتتكتب له صفحة جديدة علشان تقوله إنت هزمت خصومك وإنت مش موجود، الله يرحمه، وكل خصومك اللي قالوا وأساؤوا وأنت مش موجود هزمتهم.
وأكمل الرئيس حديثه: مش شرط كل حاجة الناس تبقى فهماها والقرار اللي بيتاخد ليه، لكن ممكن الزمن بعد كده يرد، وفي النهاية بعد كل ده فيه رب عظيم، علام حكيم، وهو اللي هيفصل بين الناس وإحنا المسؤولية كبيرة ويا رب نقدر نعدي من اليوم ده في الحساب.
تفاصيل محطة قطارات صعيد مصر
ويشهد الرئيس عبد الفتاح السيسي، رئيس الجمهورية، الآن، افتتاح محطة قطارات صعيد مصر، والكائنة في منطقة بشتيل بمحافظة الجيزة، وذلك بعد الانتهاء من أعمالها الإنشائية.
وحضر فعاليات افتتاح محطة قطارات صعيد مصر ببشتيل، الدكتور مصطفى مدبولي رئيس مجلس الوزراء، ولفيف من الوزراء والمسؤولين في هيئات الدولة من مجلسي النواب والشيوخ، على أن يكون في استقبالهم الفريق مهندس كامل الوزير نائب رئيس الوزراء للتنمية الصناعية وزير الصناعة والنقل، والمهندس محمد عامر رئيس الهيئة القومية لسكك حديد مصر.
وتقع محطة قطارات صعيد مصر أو ما يطلق عليها محطة قطارات بشتيل الجديدة، بمنطقة بشتيل في محافظة الجيزة، إذ تم اختيار مكان المحطة لتكون قريبة من مختلف خطوط شبكة النقل في مصر، سواء المحاور والكباري أو الأتوبيس الترددي أو مترو الأنفاق وربطها بشبكة القطارات الكهربائية ووسائل النقل الأخرى.
