السيسي: إوعى تفتكروا وإحنا بنعمل المشروعات دي مكناش عارفين إننا هنعاني.. لا كنا عارفين
حرص الرئيس عبد الفتاح السيسي، رئيس الجمهورية، على توجيه رسالة للمواطنين بشأن تحملهم الأعباء الاقتصادية، بقوله: قطاع زي اللي بنفتتح فيه مشروعات النهاردة، كله أهمل، وأهمل مش عيب في اللي قبل مننا، لكن دي الظروف اللي كانت بتمر بيها البلد قبلنا، وكان الخيار بالنسبة لينا نعملها وتبقى ظروفنا الاقتصادية صعبة ولا منعملهاش، ودي تالت مرة بقولها".
وأضاف الرئيس السيسي خلال كلمته أثناء افتتاح عدد من مشروعات النقل ومحطات السكك الحديد: أوعى تفتكروا وإحنا بنعمل ده مكناش عارفين إننا هنعاني منه، لا كنا عارفين، بس نعاني منه ونغير بلدنا ولا نفضل زي ما إحنا والبلد دي ميكونش ليها مستقبل، مش لينا ولا لأبنائنا بنتكلم على أحفادنا، مكانوش هيلاقوا حاجة، اللي بنتكلم فيه ده أساسيات لا يمكن إغفالها".
تفاصيل محطة قطارات صعيد مصر
وشهد الرئيس عبد الفتاح السيسي، رئيس الجمهورية، صباح اليوم السبت، افتتاح محطة قطارات صعيد مصر، والكائنة في منطقة بشتيل بمحافظة الجيزة، وذلك بعد الانتهاء من أعمالها الإنشائية.
وحضر فعاليات افتتاح محطة قطارات صعيد مصر ببشتيل، الدكتور مصطفى مدبولي رئيس مجلس الوزراء، ولفيف من الوزراء والمسؤولين في هيئات الدولة من مجلسي النواب والشيوخ، على أن يكون في استقبالهم الفريق مهندس كامل الوزير نائب رئيس الوزراء للتنمية الصناعية وزير الصناعة والنقل، والمهندس محمد عامر رئيس الهيئة القومية لسكك حديد مصر.
وتقع محطة قطارات صعيد مصر أو ما يطلق عليها محطة قطارات بشتيل الجديدة، بمنطقة بشتيل في محافظة الجيزة، إذ تم اختيار مكان المحطة لتكون قريبة من مختلف خطوط شبكة النقل في مصر، سواء المحاور والكباري أو الأتوبيس الترددي أو مترو الأنفاق وربطها بشبكة القطارات الكهربائية ووسائل النقل الأخرى.
