شوبير عن أزمة أتشيمبونج: اللي بيحصل ده كتير على جماهير الزمالك

تحدث الإعلامي أحمد شوبير على أزمة نادي الزمالك والغاني أتشيمبونج لاعب الفريق السابق، بعد قرار الاتحاد الدولي لكرة القدم إيقاف قيد القلعة البيضاء، لحين سداد المستحقات.

بعد الحصول على توقيعه.. الزمالك يسابق الزمن لضم لاعب سيراميكا كليوباترا

وكيل أتشيمبونج: الزمالك تعرض لإيقاف القيد.. واللاعب اشترى ناديا في غانا

تعليق شوبير على أزمة الزمالك وأتشيمبونج

قال شوبير في تصريحات إذاعية: وكيل أتشمبونج قال إن اللاعب بقى غني جدا بسبب الزمالك، واشترى بيت في غانا وعايش عيشة الملوك، والحدودتة كلها كانت 120 ألف دولار على نادي الزمالك، لكن أتشمبونج أخد مليون و200 ألف دولار.

وواصل: الغرامة الأخيرة زادت من 50 إلى 80 ألف دولار تقريبا بسبب الفوائد، أنا مستغرب جدًا هو فلوسنا كثير للدرجة دي، وبالنسبة لإيقاف القيد اللي كل شوية يتكرر، ولما بنتكلم الناس بتزعل، في الأول قولنا حصل إيقاف قيد قالوا مفيش، إمبارح اتقال إيقاف القيد كان متوقع وبنجهز الفلوس الـ 172 ألف دولار وهنسددها، طيب أنا دلوقتي أقول فيه إيقاف قيد ولا لأ عشان الناس ميطلعوش يزعلوا مني ويشتموني.

واختتم شوبير تصريحاته: أرجع تاني وأقول اللي بيحصل ده كتير على جماهير الزمالك، رغم إن الناس بتقول خليك في حالك ما هو ده حالي، وحد تاني ممكن يقول لو حصل في الأهلي هتتكلم، طيب ما هو مفيش في الأهلي إيقاف قيد أعمل إيه؟

يذكر أن أحمد سالم المتحدث الرسمي لنادي الزمالك، قال في تصريحات لـ القاهرة 24: إيقاف القيد بسبب مستحقات الغاني أتشيمبونج هو أمر متوقع.

وواصل المتحدث الرسمي لـ الزمالك تصريحاته قائلا: وبشأن دفع مستحقات أتشيمبونج جميع الحلول مطروحة حسب الأولويات ما بين مستحقات اللاعبين والاحتياج إلى صفقات جديدة، ورفع إيقاف القيد.