مصرع مسنة على يد نجل شقيقتها بالمنوفية.. وأحد الجيران: غدر بيها بعد ما كنت بتصرف عليه| بث مباشر

شهدت العزبة الغربية في مدينة شبين الكوم التابعة لمحافظة المنوفية، واقعة مأساوية ومحزنة، حيث لقيت سيدة مسنة تدعى فاطمة، البالغة من العمر 64 عامًا، مصرعها على يد نجل شقيقتها.

مصرع مسنة على يد نجل شقيقتها بالمنوفية

وقالت إحدى جيران المجني عليها إن تفاصيل الواقعة تعود عندما عثرت زوجة شقيق الضحية على جثتها ملقاة أمام غرفتها في منزلها، وتبين وجود آثار دماء وجروح على وجهها.

وتابعت: لما عرفت باللي حصل روحت عشان أشوفها لقيت وشها لونه أزرق ولسانها طالع لبرا.. وكان فيه طعنة بالسكينة في وشها كبيرة وآثار خنق على رقبتها.

وأضافت إحدى جيران عليها أن نجل شقيقة الضحية المتهم بإنهاء حياتها كان يقيم معها في منزلها منذ 3 أشهر، معلقة: كان عايش معاها وبتصرف عليه وبتأكله وبتغسله هدومه.. يبقى ده جزائها بعد ما كبرته يأذيها ويعمل فيها كده؟ ولحد دلوقتي إحنا مش عارفين قتلها ليه.

وواصلت: العزبة كلها حزينة عليها لأنها كانت إنسانة طيبة وبتعمل خير كتير.. كانت فاتحة محل صغير بتبيع فيه فاكهة وعيش والناس كانت بتروح وتيجي عليها لأنها كانت ست غلبانة.