السيسي: مصر بفضل الله بخير.. وقدرات الجيش كفاية للدفاع عن بلدنا مش عشان نعمل حاجة ضد حد | بث مباشر

قال الرئيس عبد الفتاح السيسي، رئيس الجمهورية، إن المواطن المصري صاحب الإرادة والقرار، في معادلة مواجهة التحديات وتنمية القدرات.

جاء ذلك خلال كلمته في فعاليات الندوة التثقيفية الـ 40 للقوات المسلحة، بمناسبة الذكرى الـ 51 على حرب أكتوبر 1973.

كلمة الرئيس السيسي في الندوة الـ 40 التثقيفية للقوات المسلحة

وواصل الرئيس السيسي: أؤكد أنه بتلاحمنا وإخلاصنا ووعينا قادرون على تجاوز الظروف الصعبة كما تجاوزناها من قبل مهما كانت صعوبتها.. وفي ذات الوقت نحرص على الاستمرار في التنمية لتحسين ظروف المعيشة.. ولبناء مستقبل أفضل تحظى فيه مصر بالمكانة اللائقة التي تستحقها بين الأمم.

وأضاف الرئيس عبد الفتاح السيسي: كل ما أثبتته كافة الأحداث إن طول ما الشعب المصري متماسك أي حاجة تاني هتتقضى.. إلا أن بلدنا تتعرض لتحدي خطير يفقدنا كل الجهد اللي إحنا بنبذله للحفاظ عليها وحمايتها وشعبها.. بلدنا بفضل الله سبحانه وتعالى بخير.. وقدرات الجيش كفاية للدفاع عن بلدنا مش عشان نعمل حاجة ضد حد.

وواصل الرئيس السيسي: الكلام ده بيتقال دلوقتي وهو هل كان مطلوب إننا نجيب أسلحة للقوات المسلحة في فترة الـ 10 سنين اللي فاتوا دول؟ أنا مش هجاوب على السؤال ده خالص ومش عشان الحرب اللي موجودة دلوقتي.. ولكن لازم تعرفوا إن الحفاظ على قوة الدولة الشاملة بكل معانيها أمر مهم جدًا بنشارك فيه كلنا.. حتى لو مكنش حصل اللي حصل دلوقتي لكن لا بد أن القوات المسلحة والشرطة تكون في أعلى جاهزية وقدرة لحماية البلد.