كلنا لازم نشارك.. أستاذة جامعية تفتح شاليهاتها الخاصة بالسخنة لاستضافة أهالي ضحايا حادث الجلالة
تضامنًا مع أهالي وأسر الطلاب ضحايا حادث انقلاب أتوبيس الجلالة، قررت إحدى الملاك في إحدى قرى السخنة القريبة من المستشفى، منازلها الخاصة مجانًا لأهالي الضحايا خلال الوقت الحالي.
هستقبل الأهالي في شاليهاتي بالمجان
وأكدت الدكتور شيماء القصاص، إحدى مُلاك منزل خاص بإحدى قرى السخنة في تصريحات خاصة لـ القاهرة 24، أنها ستستقبل أهالي الضحايا في منازلها الخاصة مجانًا بدون أي مقابل.
وقالت القصاص: الحادث مؤلم والأهالي كلها في قلق وتوتر وعايزين يطمنوا على ولادهم نظرًا لعدم وجود بيانات مؤكدة حتى الآن، وموقف زي ده لازم كلنا نساعد فيه ونقف جنب بعض، لأن كلنا مصريين وأخوة.
حادث الجلالة
وأضافت: أنا عندي شاليهات في السخنة وسايبة المفاتيح لحد متولي الأمر هناك، وقررت إني افتح الشاليهات بتاعتي للإقامة مجانًا لاستقبال أهالي الضحايا والطلاب، وكل اللي ربنا يقدرني عليه هعمله.
وواصلت: ده عمل إنساني وأنا مش هخاف من حاجة، ولازم كلنا نساعد بعض، وأتمنى كل اللي يقدر يشارك بـ حاجة يشارك وميتأخرش.
وفي سياق متصل، قال شاهد عيان على حادث انقلاب أتوبيس طريق الجلالة، إن الطلاب حاولوا منع السائق من النزول على هذا الطريق لشدة خطورته لكنه رفض.
وأكد شاهد العيان في تصريحات خاصة لـ القاهرة 24، أن الأتوبيس الحامل للطلاب انقلب 3 مرات متتالية، موضحًا أنهم حاولوا تحذير السائق أكثر من مرة من الدخول في منطقة خطيرة على الطريق لكنه تجاهل أمرهم.
وأضاف: الطلاب كانوا خايفين من نزلة معينة في الطريق، وحذروا السواق لأن النزلة دي مش مناسبة لحجم الأتوبيس الكبير، لكنه صمم النزول عليها بسرعة كبيرة.
وأردف: الأتوبيس نزل بسرعة والسواق معرفش يتحكم فيه والفرامل فلتت منه، وإن شاء الله هيتحاسب وياخد جزاءه، أولياء الأمور دول لازم ياخدوا حق عيالهم، أهاليهم باعتينهم عشان يرجعوا بـ شهادتهم، رجعوا بـ أكفانهم.
