والد خديجة عن صلاح التيجاني: عرفته لمدة 20 سنة.. وبنتي اتأذت منه وسببّلها مشاكل كتير
كشف الدكتور خالد بسيم علي، والد خديجة صاحبة واقعة اتهام صلاح التيجاني بالتحرش بها وإرسال صور خاصة لها عبر الدردشة بمواقع التواصل الاجتماعي، تفاصيل جديدة في الواقعة.
تفاصيل واقعة خديجة صاحبة اتهام صلاح التيجاني بالتحرش
وقال والد خديجة في تصريحات لـ القاهرة 24، إن صلاح التيجاني لديه طريقة مميزة لجذب المريدين لسماع كلماته عبر إيهامهم بأنه ولي من أولياء الله الصالحين، وأنه يرسل رسائل روحانية وأنه قطب الزمان ويعلم الغيب من تلك الإيحاءات، موضحا: بيوحي للناس إنه ولي من أولياء الصالحين ومميز عن بقية البشر.
وأضاف أنه كان على علاقة به مدة 20 عاما، وصُدم منه ومن أفعاله التي استنكرها عندما علمها، مضيفا: أنا كنت على علاقة بيه مدة 20 سنه واتأذيت منه جدا.
وأردف: بنتي أطلقت صفارة إنذار ونشرت الكلام ده بعد ما اتأذت منه جدا والموضوع ده سببلها مشاكل كبيرة مع بيتها وزوجها وأولادها، وأتمنى بنتي ترجع لحياتها بعد اللي حصلها ده لأنها اتأذت منه.
وأكمل: كنت عايز أحذر الستات اللي بتروح ليه المسجد إن الراجل ده سلوكه عليه علامات استفهام كبيرة، وإنه راجل مش مظبوط والحمد لله قدرت أوصل لده والناس استجابت وأتباعه ملتصقين بيه ومؤمنين بيه وبحذرهم من الاقتراب منه.
