المفاوضات اتعقدت في النص.. عمر سيد معوض يكشف كواليس انتقاله لريال بيتيس
كشف عمر سيد معوض لاعب ريال بيتيس الإسباني الجديد كواليس انتقاله إلى صفوف النادي الأندلسي، قادمًا من صفوف النادي الأهلي.
تصريحات عمر سيد معوض
وقال عمر سيد معوض في تصريحات تليفزيونية: أنا تمام وهرجع قريب إن شاء الله في أول شهر 12، والمفاوضات مع ريال بيتيس مشيت بكرم ربنا، وكل حد في الأهلي وقف في ضهري من أول يوم لآخر يوم، والحوار اتعقد في النص بسبب الإصابة بالصليبي، وكنت محبط الصراحة ولكن سبحان الله ربنا كرمني أكتر بكتير.
وأضاف عمر سيد معوض: كل حاجة مكتوبة عند ربنا لكن إن شاء الله عاوز أطلع من ريال بيتيس على فريق أكبر، ومنه لمستوى أكبر وأكبر وأحقق طموحاتي إن شاء الله، وهتمرن مع فريق الشباب وإن شاء الله أطلع فريق أول في أسرع وقت وفيه ناس اتواصلوا معايا من هناك لتصوير الفيديو والصور عقب التوقيع والوصول لـ سن 18 عامًا مباشرة.
وواصل: شرف ليا إني أكون جزء من ريال بيتيس، زي مانا جزء من النادي الأهلي وبشكر كل الناس اللي وقفوا جنبي أولهم جمهور الأهلي وكل الأجهزة الفنية والعمال ومحمود الخطيب.
وعن مثله الأعلى، اختتم اللاعب تصريحاته قائلًا: ليونيل ميسي هو مثلي الأعلى.
