نجل شقيق إلهام شاهين: عملت بار مفتوح في فرحي.. ومراتي جابتلي رقاصة في عيد ميلادي عشان بحبهم
علق مدير التصوير محمود شاهين نجل شقيق الفنانة إلهام شاهين، على الجدل الذي أثير خلال الفترة الماضية بسبب تناوله الخمور رفقة الحضور في حفل زفافه، وبكاء ابنة عمته الفنانة إلهام صفي الدين، والهجوم عليه بسبب ظهور راقصة في حفل عيد ميلاده.
أبرز تصريحات محمود شاهين
ونرصد لكم أبرز تصريحات محمود شاهين التليفزيونية حول الجدل الذي أثير بشأن مؤخرًا:
- أنا شخص عشوائي جدا، وإلهام شاهين دايما تقولي خد بالك من أفعالك.
- إلهام عمرها ما هتقف في الغلط، إحنا اتعملنا الدين كويس أوي، واتعملنا إننا نحترم اللي حوالينا وعمر ما فيه واحد مننا عنده مشكلة مع حد ولا بحكم على بني آدم ولا ميوله ولا دينه ولا شكله، ودا اللي اتربيت عليه من أمي وإلهام وأبويا.
- إحنا بنترب على إننا بنتقبل الغير.
- إلهام شاهين انزعجت بعد الفرح، الفكرة مين الناس اللي دخلت وبتصورنا، كنا مبسوطين وكل اللي حواليا أصحابي، فكرة أن أنا فجأة ألاقي ناس غريبة في الفرح ده اختراق للخصوصية.
- عملت أوبن بار في فرحي وده شيء موجود في 80% من الأفراح بس من تحت الطرابيزة.
- كتبت في دعوة فرحي اللي عايز يجيب زجاجة الخمرة بتاعته يجيبها.
- إلهام صفي الدين بنتي، وعروستي بتحبها أكتر مني.
- معندناش في العيلة اتنين يحبوا بعض دي حرمانية في عيلتنا.
- علاقتي بـ ربنا خط أحمر ومش هخاف من حد أكتر من ربنا
- مراتي جابتلي الرقاصة في الفرح وفي عيد ميلادي علشان عارفة إني بحب الرقاصات.
- مراتي عارفة إن أنا بحب الرقاصات وبحب اتفرج على الرقاصة، وبحب الرقص بكل أشكاله إذا كان رقص شرقي أو في الأوبرا أنا بحب الرقص عموما.
- أنا دايما ببعتت لمراتي فيديو لرقاصات لأن هي صاحبتي، واتعودت خلاص لأنها عارفة أنا مش جوايا حاجة وحشة.
