في الآخر هتعيطي.. ياسمين عز للسيدات: مينفعش صاحبتك تاخد رقم جوزك علشان تصلح بينكما
وجهت الإعلامية ياسمين عز نصائح للسيدات بشأن علاقات الصداقة، مشيرة إلى أنه لا يجوز للصديقة التدخل في حياة صديقتها وأزماتها الشخصية، لأن الزوجة ستتفاجأ في النهاية بتصرف صديقتها المقربة.
ياسمين عز: لو في مشكلة بينك وبين زوجك اشتكي لـ حماتك
وقالت ياسمين عز في برنامج كلام الناس، الذي تقدمه عبر شاشة قناة أم بي سي مصر: لو متخانقة مع جوزك وحكيتي لصاحبتك، مفيش حاجة اسمها أديني رقمه وأنا أصالحكم على بعض، لأن وقتها هتصالحكم فعلًا وتعزمك على فرحهم بعد شهر وتخطفه منك وترجعي تعيطي خلي بالك.
وأضافت ياسمين عز: لو في مشكلة بينك وبين زوجك بدل ما تحكي لصاحبتك أشتكي لحماتك لو غلطان هتاخدي حقك، ربنا قال فابتعثوا حكما من أهله وحكما من أهلها، مقالش صديقة ولا صديق، جوز صاحبتك خط أحمر ولو آخر راجل في الدنيا الموضوع منتهي، حتى لو هو بيلمح دي أخلاقيات اتربينا عليها.
ياسمين عز توجه رسالة للرجال
وفي وقت سابق، وجهت ياسمين عز رسالة للرجال، قائلة: لازم الراجل يقول لزوجته شعر لأنه مش أقل من المتنبي، ولو زوجتك طبختلك بلاش تقولها ناقص ملح قولها كلام حلو وشكرا.
وأضافت: بالنسبة للست النهاردة إجازة بدل ما أنتي قاعدة فاضية والشيطان بيقولك أطلقي، قومي أعمليله رز بلبن هاتيله مكسرات، ولو بيدخن حطيله الطفاية جنب الريموت ولو مفيش طفاية حطي أيدك أنتي أولى من الغريب، لو أنتي قاعدة جنب زوجك دلوقتي وعندك ذهب في الدولاب قومي أديهم لزوجك يفك زنقته، هتقوليلي مفيش زنقة يا ياسمين، أديهمله برضو يفك ويروق على نفسه.
