شكاوى من طلاب أسنان القاهرة بسبب قلة التدريب العملي.. وعميدة الكلية ترد
اشتكى طلاب الفرقة الرابعة بكلية طب الأسنان جامعة القاهرة، من بعض المشكلات منذ بداية العام الدراسي الثاني لهم.
وقال الطلاب في استغاثه لهم: إحنا دفعة 2026 أسنان قصر العيني، نحتاج للحديث عن المشاكل اللي بنواجها، منذ بداية العام الثاني لنا في الكلية، وبالتحديد منذ بداية عملية ترميم المبنى القديم، بس ملناش دعوة بالقديم خلينا نتكلم عن مشاكلنا الحالية.
طلاب جامعة القاهرة
وأضاف الطلاب: ليس لدينا وحدات نعمل عليها داخل الكلية للتدريب، ونعمل مرة واحد في الشهر بأدوات الأوبرتف، ومع العلم أن طلاب الجامعات الأخرى يتدربون أسبوعيا أو على الأقل مرة كل أسبوعين بنظام الاسيستنت، لكن إحنا بيحصل عندنا روتيشن يخلينا نشتغل مرة واحدة كل شهر، متسائلين: هل هذا كافي حتى يتخرج طبيب كفء لم يتدرب في العام على نظام الأوبرتف سوي 8 مرات؟
وأكد الطلاب، أنه مطلوب منهم تسليم 14 حالة تم إنتهاء العمل على أسنانهم في العام الواحد، قائلين: يعني محتاجين 14 شهر وممنوع تشتغل أكتر من سنّة في المرة الواحدة، وياريت اللي اسمه مش هيتشغل النهاردة يقدر يستفيد بالوقت في حاجة تانية، لا للأسف يتقاله أنزل عشان خاطر الغياب، واقعد اتفرج على زمايلك وهما بيشتغلوا.. متخيلين منظر العيادة وكل سكشن فيه طلاب قاعدة بس تتمشى كدا في العيادة عشان لازم تفضل وقت السكشن بلا هدف.
ومن جانبها، علقت الدكتورة جيرالدين نصر القائم بأعمال عميد كلية طب الأسنان جامعة القاهرة، على شكاوى واستغاثة الطلاب، مؤكدة أنه فيما يخص وقت التدريب فإنه تم وضع خطة لتدريبهم من بداية الفصل الدراسي بإضافة عدد ساعات للطلاب، قائلة: هناك بعض المشكلات التي تصدر من عدد من الطلاب وهو ما يسبب الأزمة فيما يخص وقت التدريب والخطة الموضوعة.
وأكدت عميدة الكلية في تصريحات خاصة لـ القاهرة 24، أنه تم إضافة عدد من الكراسي في المباني الخاصة بالكلية وآخرها 182 كرسي، قائلة: مفيش خرم إبره يتحط فيه كرسي أسنان وتركناه فاضي.
وأضافت العميدة: الطلاب زي ولادي ونسعى لحل جميع مشاكلهم، وهناك اقتراح بوضع أوقات للتدريب لهم بفرع الشيخ زايد.
