هجبلك فسيخ.. هل عادت البلوجر أم خالد لزوجها؟
ظهرت البلوجر الشهيرة أم خالد، مؤخرًا، مع زوجها على حسابها الشخصي بمنصة تيك توك، ما أثار التساؤلات بين متابعيها عن حقيقة عودتهما معًا بعد أزمتهما الأخيرة، حيث نشرت أم خالد فيديو عبر حسابها الشخصي على إنستجرام، توضح حقيقة انفصالها عن زوجها، بعد تداول العديد من المنشورات عبر حسابات مُستخدمي منصات التواصل تفيد بالانفصال.
عودة البلوجر أم خالد لزوجها
ظهرت أم خالد في بداية الفيديو وحدها، وبدأت بمخاطبة متابعيها قائلة: مش عارفة أجيبهالكم إزاي، بس أنا رجعت للإكس -زوجها- قائلة: أنا مختفية بقالي يومين من السوشيال ميديا، بس كان معادي عند المأذون يوم الخميس، وكان كل واحد هيروح لحاله بالورق الرسمي.
وظهر زوج البلوجرخلال الفيديو وعلق: هو كان فيه سوء تفاهم وأي بيت في الدنيا فيه مشاكل، ربنا ما يشمت فينا عدو ولا حبيب، إحنا اتنين متجوزين ملناش غير بيتنا وعيالنا وربنا ما يجيب ظلم، فيه عين ديناصور في حياتي، وأضاف ممازحًا: هجبلك رنجة وفسيخ.
أم خالد تعلن انفصالها: نصيبنا خلاص انتهى
وفي وقت سابق، قالت أم خالد عبر الفيديو: الفترة الأخيرة كان فيه مشاكل بيني وبين زوجي محمد، وأنا مش بتاعة تريندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة.
وأوضحت أم خالد: إحنا نصيبنا خلاص انتهى ووقف لحد هنا.. وله مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش فيه أنا وعيالي خالد وريان.
