بكاء صديق سعد الصغير بعد قرار عرضه على الطب الشرعي: كان عندنا أمل ياخد براءة| بث مباشر
قررت محكمة جنايات القاهرة المنعقدة في العباسية، قبل قليل، تأجيل أولى جلسات محاكمة سعد الصغير بتهمة إحراز جوهري الحشيش والترامادول المخدرين بقصد التعاطي، إلى جلسة 25 نوفمبر المقبل، مع استمرار حبسه، وعرضه على الطب الشرعي.
وسادت حالة كبيرة من الحزن على صديق سعد الصغير بعد قرار المحكمة بتأجيل الجلسة مع استمرار حبسه، حيث قال: حزين جدا لإن سعد راجل أوي وجدع أوي وصاحب صاحبه أوي، ومبيسيبش حد لا في حزن ولا في فرح إلا أما بيساعده ويقف جنبه.. سعد الصغير رجولة بمعنى الكلمة.
بكاء صديق سعد الصغير بعد قرار المحكمة بعرضه على الطب الشرعي: هو فعلا مريض.. وكان عندنا أمل ياخد براءة
وأضاف صديق سعد الصغير: سعد عامل معايا مواقف مقدرش أنساها، ومنها لما والدتي كانت تعبانة وعندها اشتباه كورونا، وقتها اتصلت به قولتله الحقني يا سعد أمي بتضيع مني، وأنا رايح بها المستشفى، ولما وصلت لقيت سعد وصل قبلي، وخد إيد أمي معايا ووصلناها لحد العزل جوه في عز الكورونا، ومخافش على نفسه ولا على بيته ودخل معايا لحد جوه.
وبكى صديق سعد الصغير: سعد متدمر بسبب الحبس، وهو فعلا بياخد ترامادول علشان مريض، عنده مشكلة في العظام وفي الرباط الصليبي.. وربنا يفك كربه ويطلع لبيته وعياله.
وأضاف صديق سعد الصغير: كلنا بندعي إن سعد ياخد براءة، وكنا جايين النهارده على أمل يرجع معانا لكن راضيين بقضاء ربنا.
