أمير كرارة يحاول احتواء غضب ابن محمود البزاوي بسبب بوستر “كازابلانكا” (صور)
أعلن أمس أكرم ابن الفنان محمود البزاوي غضبة بعد طرح بوستر فيلم “كازابلانكا” للنجم أمير كرارة والذي يُشارك فيه عدد من النجوم من بينهم والده محمود البزاوي، وذلك بعدما خرج البوستر الرسمي بدون البزاوي واكتفوا فقط بـ”أمير كرارة والتركي خالد أرغنش وإياد نصار وعمرو عبد الجليل وأحمد داش وغادة عادل”.
وحاول اليوم النجم أمير كرارة والمشهور بأخلاقه وحبه وارتباطه بزملائه، احتواء غضب أكرم ونشر بوستر آخر للفيلم، يجمعه ويقف خلفه الفنان محمود البزاوي، وعلق عليها “لو الحرب أبتدت هتزعل يا بزاوي”، وقام بمشاركة الصورة مع أكرم ووالده.
وكان قد كتب أكرم تدوينة عبر صفحته على فيسبوك قال فيها: “مبدأيا ابويا ماعندوش اي فكره عن البوست ده انا ابويا طيب و يمكن طيبته دي هي اللي كانت سبب في تأخير نجاحه و انه كتب من الباطن كتير مثلا زي ما قولت قبل كده و كان دايما بيعمل حاجات وتنجح ومفيش حد يعرف أنه له دور في نجاح العمل ده بس اللي كان بيصبره ان ربنا هيعوض”.
وأضاف أكرم: “وبعد ما قدر يوصل بدراعه للي هو فيه لسه في ناس مش مقتنعه بي .. بس ده حقهم لان مفيش حد عليه اجماع بس طالما مش مقتنع بحد يبقى ماتحرجوش وابعد عنه أحسن لأنه في نظرك مش الشخص اللي يفيد .. في رأي الشخصي ناس كتير بتعرف تتصور بس مش الكل بيعرف يمثل .. و اسف لو كنت منحاز اوي في كلامي لابويا بس زي ما قولت ده ابويا اللي نجاحه بيسعدني اكتر ما بيسعدني نجاحي”
وأختتم كلامه: “ملحوظة: أبويا قالي انه عامل دور مهم في الفيلم ده.. و يمكن بيكدب عليا و طالع كومبارس .. ساعتها ها تأسف على البوست”.
