بعد تصدرها التريند.. هدير عبد الرازق: معايا إثبات ضد قناة النهار.. وأنا مش أقل من مذيعة البرنامج
أثارت مشاركة البلوجر هدير عبد الرازق في أحد البرامج التليفزيونية جدلًا واسعًا، إذ أدت إلى عودة انتشار الفيديو المسرب لها وتجديد الاتهامات الموجهة إليها، مما زاد من الأزمة التي تواجهها.
هدير عبد الرازق تكشف تفاصيل ظهورها في قناة النهار
وفي فيديو جديد عبر حسابها الشخصي بـ تيك توك، ذكرت هدير عبد الرازق تفاصيل ظهورها في أحد البرامج التليفزيونية، الذي كان سببا في تصدرها التريند فقالت: أنا نمت وصحيت لقيت نفسي تريند، وأنا جالي رعب، وعمري ما اختارت أني طلعت تريند، والمفروض أنها قناة محترمة، وهما كلموني 15 مرة، وأنا كنت برفض، ومكنتش عاوزة أطلع، وإحنا مكناش عاوزين نطلع تريند أنا وأوتاكا.
وأضافت هدير عبد الرازق: أنا كنت حاسة، إن المسؤولين بقناة النهار عاوزين يعملو تريند بالحلقة، وفيه كلام كتير بالفيديو اتحذف، زي كلام شكري لوالدي ووالدتي، هما جايبيني يهزؤوني ليه، وأنا لو حصلي حاجة تانية هموت نفسي، وأنا مش عاوزة أبقى تريند، أنا هرفع قضية ضد القناة وأي حد جه على كرامتي، وكان هدفي من الظهور في البرنامج، تسليط الضوء على تجربتي في تجاوزي للأزمة اللي مريت بيها، وليس لإعادة فتح ملف الفيديو القديم.
وأكملت هدير عبد الرازق: وأنا عاوزة أعرف أنا عملت إيه غلط، أنا لقيت نفسي مقبوض عليا، وبعد كده لقيت نفسي في موقف غريب، وأنا مش مصدقة، ومش مبسوطة، أن 25 مليون شافوني في وضع زي ده، وأنا نفسي أن الموضوع ده يتقفل، وأنا حياتي أدمرت.
وأشارت هدير عبد الرازق إلى تفاصيل جديدة قائلة: أنا دخلت الاستوديو لقيت موضوع الحلقة مختلف عن المتفق عليه، وأنا معايا ما يثبت كلامي، ولقيت كل الأسئلة بتتكلم عن الفيديو، ومش بتتكلم عن حالتي.
واختتمت هدير عبد الرازق تصريحاتها قائلة: وكلامي عن أن عرسان اتقدمولي، مكنش كده، والمذيعة قالتلي، أنتي بتروجي للبنات، أن الفيديوهات الإباحية بتجيب عرسان، وهما قطعوا الكلام ده، وبعد تسجيل الحلقة، قولتلهم لو الكلام ده مش هيتشال مش هسيب حقي، وأنا كنت حاسه أنهم عاوزين يعملوا تريند بالفيديو، وكلام شكري لوالدي ووالدتي اتقص، وأنا هرفع قضية ضد القناة وأي حد جه على كرامتي، وأنا مش أقل من المذيعة ياسمين الخطيب، وأنا خريجة إعلام.
