بسنت صيام: اتولدت بحب سعاد حسني.. وقابلت أختها بعد ما عملت لها عمرة
أعربت الفنانة بسنت صيام، عن حبها الكبير للفنانة الراحلة سعاد حسني، موضحة أنها تواصلت مع شقيقة السندريلا، بعد ما أدت مناسك العمرة، ووهبت ثوابها للسندريلا خلال الفترة الماضية.
وقالت بسنت صيام في لقائها مع القاهرة 24: مش عارفة سر عشقي لـ سعاد حسني، أنا اتولدت بحبها، وشفت تعليقات الناس كلها بعد ما عملت عمرة لـ سعاد حسني، وأخت السندريلا كتبت تعليق وشكرتني وأنا قابلتها قبل كده.
أما عن حرصها على حضور فعاليات مهرجان الجونة السينمائي، فعلقت بسنت صيام: مهرجان الجونة ده مكان سعادتي، الهواء هنا بيديني سعادة، وبيجمعوا بين أكتر حاجتين بحبهم وبفصل من العالم هنا وبشحن طاقة.
بسنت صيام تؤدي مناسك العمرة وتهب ثوابها لـ الراحلة سعاد حسني
ومن ناحية أخرى، سبق وأعلنت الفنانة بسنت صيام، عن انتهائها من أداء العمرة للمرة الثانية، ووهبت ثوابها للفنانة الراحلة سعاد حسني، إذ نشرت فيديو عبر حسابها بموقع إنستجرام وعلقت قائلة: وعدت ووفيت يا ست سعاد، الحمد لله وربنا يتقبل، العمرة التانية اللي عملتها كانت لسعاد حسني، وعد كنت وعدته من وأنا صغيرة إن أول ما ربنا يكتب لي عمرة هاعملها لواحدة حبي ليها مش حب عادي اللي يعرفني عارف أن بيتي كله صورها عندي لبس وشنط وحاجات كتير عليها صورها، أنا حبيت الفن منها وأنا صغيرة كنت عايزة أمثل عشان أمثل أفلامها بس مش هو ده الحب أنا بحبها اللي هو دايمًا بترحم عليها وادعيلها واقرأ لها قرآن.
وأكملت بسنت صيام: طول عمري شايفة إني معنديش هدية أكبر ولا أحلى من العمرة أهديها بيها والحاجة الوحيد اللي ممكن تكون هي محتاجاها وكمان هي معندهاش أولاد، وللأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه.
