هادي الباجوري يكشف موقفه من الانتقادات: مش هتأثر بآراء ناس مش فاهمة المهنة
أكد المخرج هادي الباجوري، على إنه لا يلتفت للانتقادات التي توجه له، حيث قال هادي الباجوري خلال لقائه مع القاهرة 24: مش بقرأ كومنتات ولا انتقادات ولا أي حاجة لأني شخص بكربج نفسي لما بعمل حاجة غلط، فـ مش حابب أتأثر بآراء ناس مش فاهمة المهنة، ولو حاجة مش عجباك متشوفهاش.
هادي الباجوري يتحدث عن فيلم هيبتا 2
كما سبق وكشف هادي الباجوري تطورات الجزء الثاني من فيلم هيبتا، حيث قال بحواره مع القاهرة 24: صورنا 4 أسابيع وفاضلنا أسبوعين، وبيشارك في الفيلم عدد كبير من الفنانين، أبرزهم الفنان حسن مالك، مايان السيد، أسماء جلال، كريم قاسم، سلمى أبو ضيف، كريم فهمي، منة شلبي، محمد ممدوح، وضيوف شرف أبرزهم الفنان أشرف عبد الباقي، وميمي جمال.
وأضاف هادي الباجوري: السينما مش بتحرض على حاجة معينة ولا سلوكيات سلبية، والناس اللي بتقول ده بتفتي، وأنا كمخرج بقدم اللي بحسه من غير تقديم رسالة ولا هدف، وده نوع من الترفيه مش أكتر، وبدخّل شخصيتي في أعمالي فده بيأثر عليها.
