هدى المفتي: اتعرضت لـ التنمر على جسمي الرفيع واتشتمت بسبب لبسي
تحدثت الفنانة هدى المفتي خلال ندوتها الحوارية التي أقيمت ضمن فعاليات مهرجان الجونة السينمائي عن بعض الانتقادات ورسائل التنمر على جسمها التي واجهتها مؤخرًا على السوشيال ميديا، مشيرة إلى أن الأهم من ذلك أن يكون الإنسان راضيا عن نفسه وعلى شكله.
هدى المفتي: اتشتمت بسبب لبسي
وقالت هدى المفتي خلال ندوتها الحوارية التي أقيمت ضمن فعاليات مهرجان الجونة السينمائي: اتشمت كتير على السوشيال ميديا بسبب لبسي واتنمروا عليا كتير بسبب جسمي الرفيع، وقررت ألبس في حدث فني فستان مقفول مش مبين حاجة، واتشمت برضه بسبب جسمي الرفيع، وفهمت إن مفيش حاجة الناس اتفقت عليها وبيختلفوا على كل حاجة.
وأضافت هدى المفتي: المهم إن تعجب نفسك وبحس إن فيه ناس بتكون مستخبية ورا شاشة معينة وبيبقوا قاعدين على الكنبة، وحاسين بالفشل والنقص وينتقدوك.
هدى المفتي: الناس ألفت عني قصة مش حقيقية
وأردفت هدى المفتي: ساعات الناس بتألف عليك قصة وبيصدقوها، وأنا واحدة من الناس اتعرضت لده، والناس بتبدأ تشتمك على قرار أنت أخدته والقصة أصلا مش حقيقية والناس كده كده هتنتقد، وأنا لو حد شتمني ورديت الناس هتهاجمني أكتر، فبحس إنه خلاص اللي يتكلم يتكلم.
آخر أعمال هدى المفتي
وشاركت هدى المفتي مؤخرًا في مسلسل مطعم الحبايب وهو تأليف مريم نعوم وإخراج عصام عبد الحميد، وإنتاج عبد الله أبو الفتوح، وبطولة أحمد مالك، بيومي فؤاد، انتصار، إسلام إبراهيم، حمزة العيلي، سامي مغاوري.
