أقوال زوجة المتهم باستدراج سعودية: اتفقت مع زوجي على تصويرها دون ملابس وتهديدها للاستيلاء على أموالها
كشفت التحقيقات في قضية اتهام شخص وزوجته باستدراج سيدة تحمل الجنسية السعودية داخل كمبوند بالتجمع الخامس، لإقامة علاقة معاها وتصويرها دون ملابس وتهديدها للاستيلاء على أموالها، تفاصيل الواقعة.
أقوال زوجة المتهم باستدراج سعودية وتصويرها
ويواصل القاهرة 24 نشر أقوال زوجة المتهم باستدراج سعودية، خلال التحقيقات، قائلة: يوم الواقعة واحنا رايحين نقابل آلاء لقيت جوزي بيقولي إن الست دي مش تمام وهي عاوزة تنصب علينا علشان دي لو سيدة أعمال زي ما بتقول مش هتخلينا نحول لها 5 آلاف جنيه مقدم الشقة اللي هي أجرتها، وبعدين اتفقت أنا وجوزي إننا نصورها بدون ملابس علشان نطلب منها 10 آلاف جنيه، منها 5 آلاف جنيه اللي أنا حولتها، والـ5 آلاف جنيه بتوع الخروجة، واتفقنا بعديها إننا نصورها في البيت عندها وهي بدون ملابس في بيتها واتفقنا إني أعمل تعبانة علشان تطلب مننا أننا نروح معاها على شقتها ونطلع وننفذ الاتفاق ونصورها.
وأضافت: ساعتها اتحركت أنا وجوزي بالعربية إلى بيت آلاء وعدينا عليها وعلي كان عارف البيت من غير ما أنا أقول له الطريق فتأكدت ساعتها إن فيه بينهم حاجة، ولما عدينا عليها خرجت وقابلتنا ومشينا على منطقة الزمالك، واحنا في الطريق هي طلبت مننا نعدي على بنزينة علشان تشتري موكا وشيكولاته وبالفعل عدينا واشترينا الحاجات دي ورحنا على المكان اللي أنا حجزت فيه في منطقة الزمالك.
وتابعت: وقتها دخلنا المكان وسهرنا هناك أنا وهي وعلي مع بعض وفي السهرة دي قعدنا نشرب خمرة كلنا مع بعض وهي قامت رقصت مع علي جوزي وأنا صورتهم مع بعض وهم بيرقصوا وأنا فضلت أصورها وهي بترقص مع علي زي ما اتفقنا وفضلت أقول لـ علي على تطبيق واتساب أوعى تضيع ركز على آلاء بس واسمع مني تقل الكاس بتاعها والحوار دا كله عشان نقلبها في الفلوس اللي اتفقنا عليها أنا وعلي، ولما شربنا وتقلنا عملت نفسي تعبانة علشان نقوم نمشي نروح البيت ولما خرجنا برا المكان عملت نفسي تعبانة قوي ووقعت على وشي قدام المكان وهما أخدوني هي وعلي ركبوني العربية.
وتابعت: وأنا في الطريق لاقيتها بتقول إن جواز السفر بتاعها ضاع منها وبعدين فضلت عاملة نفسي تعبانة ولما شافتني تعبانة قالتلي تعالي ريحي عندي في البيت وبعد كدا روحي فقلت لها لا أنا عاوزة أروح فـ علي جوزي قالي علشان آلاء متزعلش نروح معاها على بيتها وبالفعل روحنا على البيت بتاعها وطلعنا فوق معاها علشان ننفذ الاتفاق بتاعي أنا وعلي، وطلعنا سوا أنا وعلى وهي، وبعدين آلاء دخلت غيرت هدومها وبعدين جابتلي إزارة مايه من الشقة وقالتلي خدي أشربي وريحي فأخذت الازازة بتاعة المياه دي ودلقتها في الحمام وخرجت لقيتها هي وعلي قاعدين في الريسبشن بيشربوا حشيش وخمرة مع بعض.
وأردفت: لما قعدت معاهم شوية لاقيت آلاء بتقولي تعالي أدخلي علشان تنامي علشان إنت وشك تعبان قوي علشان أنا كنت عاملة تعبانة جدا وبعد كدا دخلتني على أوضة النوم على السرير وبدأنا ننفذ الاتفاق بتاعنا، وأنا ساعتها لما كنت في الأوضة لقيت علي بيخبط على الباب وأنا كنت بصور عشان كنت فاكرة إن علي داخل يعمل معاها حاجة في الأوضة، وبعدين هما طلعوا بره الأوضة فـ أنا رحت طلعت قلتلهم بتعملوا إيه علشان كنت فاكرة علي هينام معاها فلقيتها بتقولي إنتي منمتيش لية وأخدتني على الأوضة تاني.
وتابعت: وبعدين لقيت علي غمزلي علشان أخش الأوضة تاني وكنت عاملة نفسي نايمة علشان كان علي عاوز ينام مع البنت دي وهي كانت عاوزاه ولقيتها دخلتني على الأوضة ونادت على علي يدخل معانا الأوضة وبالفعل علي دخل الأوض.
