المطرب خالد علي لـ ياسمين عز: رجلي كانت هتروح بسبب الحسد.. ولما مَدحت النبي صوتي بقى أحلى
حل المطرب خالد علي ضيفًا على برنامج كلام الناس الذي تقدمه الإعلامية ياسمين عز، والذي كشف من خلاله العديد من كواليس حياته الشخصية والمهنية ولماذا ابتعد عن الساحة الغنائية خلال الفترة السابقة.
المطرب خالد علي لـ ياسمين عز: رجلي كانت هتروح بسبب الحسد.. ولما مَدحت النبي صوتي بقى أحلى
وقال المطرب خالد علي: في الفترة السابقة طلع عليا العديد من الشائعات ومنها إني اعتزلت الفن بسبب التدين، ودي حاجة زعلتني جدًا، لأن أنا في الفترة دي مكنتش عايز أرد ولا أصرح بأي حاجة، وكنت وقتها راجع من العمرة، وكانت من أهم الفترات في حياتي، وكنت بحضر للألبوم بتاعي، وبعد ما مَدحت النبي، حسيت إن صوتي بقى أحلى وأحسن، لأنها كانت طالعه مني بصدق، والغريب أن الناس طلعت عليا إن أنا أدروشت، ودي كلمه ضايقتني جدًا، غير أن مش أي حد ممكن يطلع عليه اللقب ده.
وأضاف خالد علي: أنا بتحسد بسرعة ومكنتش باخد بالي من الموضوع ده، ولكن اكتشفت الموضوع ده لما كنت في الجيم وشخص قالي إيه الصحة دي، بعدها وقعت على رجلي، وروحت لدكتور شخص الحالة غلط وعملي جبس، وبعد ما شيلت الجبس الدكتور معمليش إشاعة تاني، الأمر اللي كان هيخلي رجلي تروح مني.
وفي سياق آخر، وجهت ياسمين عز رسالة للسيدات قائلة: وأنتي بتظبطي النهاردة التوقيت الشتوي متنسيش تظبطي الصوت الشتوي النعومة والأنوثة، وطبعًا دلوقتي عربيًا وعالميًا بيستخدموا مصطلح الصوت الشتوي وبراءة الاختراع محفوظة ليا، والصوت الشتوي نابع من كونك أنثى ومن وأنا صغيرة بحب أفعل ده.
