زوج شيماء سيف: عندي مشكلة في الإنجاب وزوجتي عارفة ربنا كويس
صدم المنتج محمد كارتر، زوج الفنانة شيماء سيف، جمهورهما ومتابعيهما بعد كشفه عن سبب عدم إنجابهما على الرغم من مرور سنوات على زواجهما، موضحًا أنه يُعاني من مشكلة عدم الإنجاب.
وكتب محمد كارتر عبر حسابه الشخصي بموقع فيسبوك: من فترة طويلة وأنا بسمع الناس لما بتقابل شيماء بتقولها أنتي لو خسيتي هاتخلفي ودلوقتي لما شيماء خست الناس لما بتقابلها بتقولها أيوا كده خسيتي يعني هاتخلفي، وهي عمرها مافكرت ترد وبتقول إن شاء الله وحتى الناس اللي أنا أعرفهم بيقولولي كده ومحدش فيهم ولا لحظة فكر إنها سليمة ومفيهاش أي حاجة ومعندهاش أي مانع إنها تخلف غير إنها مراتي.
وتابع محمد كارتر زوج شيماء سيف: لو شيماء كانت اتجوزت أي حد غيري كان زمانها مخلفة عادي جدًا بس النصيب والقدر خلها تتجوزني أنا، ونكتشف بعد فترة إن عندي مشكلة في الإنجاب، وهي علشان عارفة ربنا كويس قالتلي إن كل شيئ بميعاد وإحنا لسه ميعادنا مجاش وهايجي إن شاء الله.. دعوتكم.
آخر أعمال شيماء سيف
ومن ناحية أخرى، كانت شاركت شيماء سيف في الموسم الرمضاني الماضي في أكثر من عمل، منهم ظهورها كضيفة شرف في مسلسل الكبير أوي 8، بطولة أحمد مكي، تأليف مصطفى عز وإخراج أحمد الجندي، وحقق العمل نسبة مشاهدة كبيرة وقت عرضه، إلا أن الشركة المنتجة أعلنت أن الجزء الثامن من العمل هو الأخير بالنسبة للكبير أوي.
