أحمد حاتم وأمينة خليل: مهرجان الجونة هذا العام حقق نجاحا كبيرا ورد فعل واسع
بدأت فعاليات ختام الدورة السابعة من مهرجان الجونة بحضور عدد كبير من النجوم، خاصة وأن هذه الدورة حققت نجاحًا كبيرًا منذ بدايتها إلى الآن.
أحمد حاتم وأمينة خليل: مهرجان الجونة هذا العام حقق نجاحا كبيرا
وقال أحمد حاتم على هامش ختام مهرجان الجونة: الحمدلله أن الناس حبت مسلسل عمر أفندي، كنت مستصعب فكرة الفانتازيا وحاولنا نخليه حقيقي والناس تحبه وترتبط بيه، ويارب النجاح يتكرر في حاجات كتير، ممكن يكون فيه جزء تاني وبنحاول نشتغل عليه، وبنحاول نتكلم مع كل الجهات الإنتاجية ولكن بنحاول نكون واقعيين ونعمل فكرة حلوة والناس تتبسط علشان هتشوفه تاني وأنا متمناش حاجة غير كده.
وأضاف: تأجيل فيلم الملحد خلى فيلم عاشق ينزل في أول شهر 9، والحمد لله الفيلم اشتغل كويس في السينما، ولسه مخلص قصر الباشا، ممكن ينزل السنة اللي جاية ولكن لسه مش عارف هيكون فين وإمتى.
وشدد أحمد حاتم على أن هذه الدورة من مهرجان الجونة حققت نجاحًا كبيرًا ولاقت رد فعل واسع منذ بدايتها حتى اليوم الختامي.
أما أمينة خليل قالت: أنا متابعة مهرجان الجونة من أول دورة ليه لغاية دلوقتي، متفائلة ومنتظرة أنه يكبر لغاية ما يبقى مهرجان عالمي وهنفضل ندعمه سنة ورا سنة، وكان في اكتساب خبرات مهم جدًا، المهرجان قدر يوفر لينا أفلام من حول العالم وكان في نقاشات مفتوحة طول الوقت بينا كممثلين وصناع الأفلام حول العالم وده مهم جدًا ويشرح القلب، كان في طاقة إيجابية السنة دي وكان في حماس واضح ودي روح المهرجان السنة دي.
وأضافت: أشارك في الموسم الرمضاني المقبل من خلال مسلسل لام شمسية، أنا متحمسة أوي وخايفة من المسلسل ده جدًا، وإن شاء الله أول ما نرجع من الجونة هنبدأ شغل على طول.
