بشرى: محمود حميدة مش مجرد حمايا.. علاقتي به قديمة وهو داعم للشباب
تحدثت الفنانة بشرى، عن الفنان محمود حميدة، مشيرة إلى إن هناك علاقة تجمعهما من زمن قديم، وإنه دائم الدعم لها ولكل النجوم الشباب.
وقالت بشرى خلال لقائها مع القاهرة 24: محمود حميدة مش مجرد حمايا حديثا بس، ده أول نجم وقفت قدامه في فيلم سينمائي وكان فيلم إسكندرية نيو يورك، أول بختي في السينما، وهو كان بيقدر والدي الراحل جدا، فعلاقتي به علاقة قديمة.
وتابعت بشرى: والعلاقة دي كُللت بالورود والزهور بزواجي من خالد نجل زوجته، وهو مش مستني دعمي بل بيدعمني أنا وخالد وكل النجوم الشباب، وهو مش بيتغير وجوة البيت زي برة البيت.
بشرى تعرب عن استيائها من هجوم السوشيال ميديا
وسبق وأعربت بشرى عن استيائها من هجوم السوشيال ميديا على بعض الفنانين خلال الفترة الأخيرة، مؤكدة أن طريقة النقد والهجوم التي تحدث مرفوضة تمامًا، لأنها غير مدروسة، وقالت خلال لقائها مع القاهرة 24: مش هنسكت على حقنا في الهجوم بعد كده، لأن فيه هجوم مرفوض، والنوع ده من الهجوم مايتسكتش عليه، واحنا بنبحث عن الناس اللي بتعمل كده، والفنان هو اللي بيدور على حقه، لأن محدش هيجيبله حقه، وهناخد قرار ضد أي حد بيهاجمنا.
