لاعب الزمالك: قعدت في البيت واستغنوا عني من غير ما أعرف
كشف علي ياسر، لاعب نادي الزمالك، عن أزمة كبيرة يمر بها خلال الفترة الحالية بعد قطع إعارته من نادي مودرن سبورت.
تصريحات علي ياسر
وقال علي ياسر في تصريحات عبر حسابه على فيس بوك: بعد إغلاق القيد حابب أقول حاجة بس بعد ما قطعت إعارتي مع نادي مودرن سبورت -فيوتشر- لحد النهارده الصبح كنت مفكر إني متقيد في نادي الزمالك زي ما اتقال ليا بعد محاولات كتيرة من التواصل مع مسؤلين النادي قبل إغلاق القيد.
وأضاف: لا حد سأل فيا ولا اتواصل معايا عشان أعمل أبسط حقوقي إني أنزل أتمرن، حتى بعد ما رحت النادي اسأل على موقفي وإني محتاج أعرف هعمل إيه لأني قاعد في البيت بقالي شهرين وهقعد في البيت لحد شهر يناير.
وأضاف: اتفاجئتإن النادي استغنى عني قبل ما القيد يقفل دون علمي، ولا حد كلف نفسه ثانية يكلمني يقولي على حاجه ولا حد كلف نفسه ثانية يرد عليا عشان أعرف موقفي بعد ما اتقال ليا قبل كده من مدير الكورة ‘ني متقيد في النادي لحد دلوقتي.
وواصل: أنا قاعد في البيت بسبب تعاملي باحترام واحتراف زي ما اتربيت واتعلمت من وأنا صغير، بس في الكرة ساعات بيجوا علي المحترم والمتربي شوية.
الكرة زي ما فيها الحلو فيها الوحش
واستطرد لاعب الزمالك: دايما هيفضل عندي قناعة إن في الكرة زي ما فيها الحلو فيها الوحش وده جزء كبير من الكرة فـ بكل الظروف هنعدي بيه ونستحمله عشان دي الحاجة اللي الواحد بيعرف يعملها وبيحبها، والله يعلم إني محب ومشجع لنادي الزمالك منذ الصغر وإني كنت أتمني اتوج مع نادي الزمالك بكل شيء لأن ده حلمي منذ الصغر، لكن بعض الناس كان لها رأي آخر.
واختتم: لكن حابب اأشكر الجمهور واللاعيبة والمدربين اللي وقفوا معايا وسندوني في أول ظهور ليا مع نادي الزمالك وفضهري من وأنا صغير داخل جدران نادي الزمالك، ودايما كانوا أخواتي الكبار ودايما كنت بتعلم منهم ونسأل الله التوفيق فما هو قادم ليا ولنادي الزمالك وشكرا.
