سيف عبد الرحمن: رجاء حسين في أيامها الأخيرة تمنت الموت حتى ترى نجلها المتوفى.. وطوال حياتها كانت تساعد الفقراء
تحل اليوم، ذكرى ميلاد الفنانة رجاء حسين، التي قدمت أعمالًا متميزة في عالم السينما والدراما المصرية.
وقال سيف عبد الرحمن، طليق الفنانة رجاء حسين، في تصريحاته لـ القاهرة 24: عملية الانفصال بينا تمت على الورق، يعني احنا عشنا مع بعض أكتر من 51 سنة وبينا عشرة طويلة، فأنا بطلب من كل الناس الي يعرفوها وشافوها يدعو لها بالرحمة، لأنها كانت سيدة عظيمة يعني صعب تتكرر تاني.
ذكرى ميلاد رجاء حسين
وأضاف: رجاء حسين كانت ست عظيمة، هي ست خُلقت عشان تكون فنانة، ودائمًا بتعمل خير كتير، أنا مفتقدها جدًا وبدعي لها بالرحمة، كانت ست جدعة بتعرف توفق ما بين البيت والشغل والأولاد، ما كنتش بتقصر في أي حاجة، عملت لنا كل الحاجات الحلوة.
وتابع: رجاء كانت بتدافع عن زميلاتها دائمًا، ووقفت قصاد سلطات كبيرة، كانت حامية وداعمة للفقراء والغلابة والمساكين، كانت بتخلص كل شغلها وترجع البيت فورًا، أشهد لها إنها ربت أولادي أحسن تربية، ما عملتش حاجة وحشة في حياتها، طول عمرها كانت ست عظيمة وجدعة وكريمة، لكن في أيامها الأخيرة ماكنتش عايزة تعيش، كانت نفسها تموت عشان تروح لابنها المتوفى.
