دعاء فاروق: عمري ما صدرت طاقة سلبية.. والناس بتقول بتصوري ريفيوهات ليه البرنامج مش مكفيكي؟
كشفت الإعلامية دعاء فاروق، تفاصيل إصابتها بـ اضطرابات في الجهاز الهضمي، معربة عن استيائها بسبب تعليقات الجمهور على فيديوهات تقييمها للمطاعم والملابس وغيرها.
وقالت دعاء فاروق، في ستوري حسابها الشخصي بموقع إنستجرام: عمري ما صدرت طاقة سلبية ولا بقول حسد ولما بعمل عملية بقول بعدها، صورت ريفيو لمكسرات والناس كالعادة علقت، ولو كلت معلقة كشري هيقولوا هو حد لاقي ياكل؟ الناس بتقولي بتصوري ريفيوهات هو البرنامج مش مكفيكي؟.
وأضافت دعاء فاروق: من بعدها وعندي إحساس غثيان مرعب ومش قادرة أكل، وعلشان محدش يسخف ويقول المدام حامل أنا عندي 51 سنة وشايلة الرحم، مكنوش حتتين مكسرات اللي عملتوا عليهم حفلة.
دعاء فاروق
وعلى جانب آخر، سبق وهاجمت الإعلامية دعاء فاروق، القائمين على برامج الهارد توك شو، بسبب وضعهم أسئلة عن المساكنة للضيوف، قائلة: بتسألوا على موضوع الناس اللي بتسكن مع بعضها قبل الجواز ليه؟ إيه المٌلح في الموضوع علشان تحشروه بالعافية في حياتنا؟ هتروحي النار يا منيلة منك ليها، اللي بيسأل على ده بيعين الناس على الجهر، يعني متفتكرش وأنت بتسأل إنك مالكش دعوة، إنت بتتطلع الموضوع والناس تدور، يعني لو واحدة متجوزة من 150 سنة واتطلقت وجوزها مات وكل حاجة خلصت، وقبل ما تتجوز كانت عايشة مع راجل، عيب تسألوا مينفعش دي حاجة تقرف.
