هاني شنودة: ممكن أقدم عمل فني عن فرقة المصريين.. ومبقدمش أعمال فيها أي إساءة | فيديو
تحدث الموسيقار هاني شنودة عن مشاركته في مهرجان القاهرة للجاز 2025 بفرقة المصريين، والتفاعل الكبير للجمهور معهم، مشيرًا إلى أنه سعيد بهذه الفرصة التي جمعت بين الأجيال المختلفة.
وقال شنودة خلال لقائه مع القاهرة 24،: تحية الجمهور لينا في الحفل لو يجوز إن إحنا نقول إنها كانت زيادة عن اللازم فهي كانت زيادة، طبعًا مفيش حاجة اسمها كده، بس ده الإحساس، واللي غنوا معايا دول نجوم، وأنا شاكر ليهم إنهم بيحييوا تراث المصريين، والعازفين على أعلى مستوى، ولازم الجمهور برده يبقى على أعلى مستوى.
وأضاف هاني شنودة: لو أتعرض عليا أعمل قصة فرقة المصريين في فيلم أو مسلسل هعملها طبعا.. وأنا هعمل الموسيقى التصويرية، معربًا عن سعادته بأن أغاني الفرقة مستمرة مع الجيل الحالي.
وأردف: أنا بدين للزمن بكل النجاحات.. ودلوقتي الكاسيت اتكسر وده أدى إلى حدوث هطل فني، الكاسيت كان رخيص والكل بيشتريه دلوقتي الناس لازم تشترك في منصات ويسمع اللي هي عاوزاه، مش اللي هو عاوزه، فالنجاح برضه مشكوك فيه.
هاني شنودة وتوو ليت
وفي وقت سابق، تحدث هاني شنودة عن لقائه مع المطرب المقنع توو ليت، قائلًا: جالي الاستوديو قعدنا مع بعض ولعبنا سوا وهو راجل ظريف جدا.
وأضاف: وعن تعاوني معاه، فالموضوع طبعا بياخد وقت واختيار حاجات وكلام يليق، وخاصة إن أنا مش بعمل كلام في أي إساءة لأي حد، أنا ملحن ورقابة في نفس الوقت.
