إسعاد يونس: علاقتي بـ تركي آل الشيخ زي أم وابنها.. والسعودية بتخطف ضوء من هوليوود
تحدثت الفنانة إسعاد يونس عن أسباب عودتها بمسرحية إس إس هانم في موسم الرياض 2025، وذلك وبعد غياب 30 عامًا عن المسرح.
قالت إسعاد يونس في تصريحات تليفزيونية: اللي دفعني أني أرجع للمسرح، الإقدام على المغامرة أنا حبيت المغامرة وأقدمت عليها لحبي ليها، وإثبات الذات هو اللي دفعني للرجوع، ده غير المسرح كنت مشتاقة ليه أوي، واقتراح الفكرة كان من معالي الستشار تركي آل شيخ وشركة صلة عدنان الكيال وحمادة إسماعيل المنتج.
إسعاد يونس عن تركي آل شيخ
وأضافت إسعاد: تركي آل شيخ دايمًا ودود معايا ودايمًا في تواصل، علاقتنا زي أم وابنها مثلًا هو أصغر مني بكتير وأنا معجبة بطريقة تفكيره جدًا والرؤيا اللي بيفكر فيها للنهضة الثقافية لبلاده السعودية، وبتيجي ظلاله على جميع الفنانين في العالم العربي والعالم كله، وكذلك في الرياضة اللاعيبة اللي بيقوم باستضافتها، الشغل معاه مفيد جدًا من ناحية المغامرة في إحساس أن خطوات النقلة الثقافيه بتيجي بسرعة في وقت قليل أوي ودي حاجة تحترم جدًا.
إسعاد يونس عن أستديوهات الحصن
قالت إسعاد يونس عن ستوديوهات الحصن التي دٌشنت مؤخرًا بالمملكة: الفنان هيلاقي في فرصة أنه يحقق رؤية مش هيحققها في بلد أو مكان أقل تقدما، وهي رائعة فيها كل التسهيلات المطلوبة، لأن الممثل هيشتغل على نص لكن المخرج هيلاقي فرصة أنه يحقق نفسه، صانع الموسيقى والجرافيك هيلاقي فرصة، أصحاب الأفلام الذات نوعية خاصة الساي فاي ولا الهورور والبحيرات والجبال، كانت بتقتل الفكرة قبل ما توصل للنص لان المؤلف لما بيلاقي بيكتبه ده مش هيتحقق بيصيبه إحباط والمشهد اللي هو بيعمله عشان يطلع بمعلومه وبالتالي الفيلم بيخسر تقنيات كتيرة جدًا.. عشان كده بقول السعودية في الفترة الحالية بتخطف ضوء من هوليوود.
