نقاش بالإسكندرية يستغيث لقلة العمل: بقالي 40 سنة في النقاشة وده مصدر دخلي الوحيد
تداول مستخدمو مواقع التواصل الاجتماعي قصة الحاج محمد العامل بالنقاشة، بعدما لجأ للسوشيال ميديا، بسبب قلة الزبائن، خاصة أن تلك المهنة، هي مصدره الأساسي للدخل.
نقاش بالإسكندرية يستغيث لقلة زبائنه
وفي تصريحات لـ القاهرة 24، قال الحاج محمد، ربنا مش بينسى حد، مرة بنشتغل أسبوع، ومرة نقعد من غير شغل، والدنيا ماشية الحمد لله.
وواصل: بقالي 40 سنة في مجال النقاشة وعندي 62 سنة، وأنا أساسًا من الإسكندرية، ولو جالي أي شغل في أي حتة القاهرة أو غيرها، مش بقول للشغل لأ، وأنا بعمل تشطيب الجبس بورد وجميع أنواع النقاشة والديكورات.
وخلال الساعات الماضية، تداول مستخدمو مواقع التواصل الاجتماعي استغاثة ابنة الحاج محمد للبحث عن عمل لوالدها قالت فيه: تاني مرة أنزل منشور عشان محتاجين شغل لبابا إحنا ناس غلابة وبسطاء ودا شغلنا اللي بنعيش منه بابا 62 سنة، وإحنا 3 بنات وفي مراحل التعليم لسه بندرس دا رزقنا وأكل عيشنا ادعمونا أجبروا بخاطرنا.
