عمرو محمد علي بعد رفضه استكمال علاجه: هسيب العلاج لأني تعبت ومش عارف أعمل إيه؟
أعلن الفنان عمرو محمد علي الشهير بـ شقشق، في مسلسل أرابيسك بطولة الفنان صلاح السعدني، توقفه من تناول علاجه، بعد رفض أحد المستشفيات الكبرى في القاهرة، استكمال علاجه دون سبب.
قال عمرو محمد علي في تصريحات لـ القاهرة 24: قررت أوقف العلاج وهسيبها على الله، لأني تعبت ومش عارف إيه السبب إني مش بتعالج في المستشفى؟! وده في غلط على صحتي ولكن مش عارف أعمل إيه ولا في حل تاني.
والدة عمرو محمد علي تستغيث
وفي وقت سابق، استغاثت والدة الفنان عمرو محمد علي، من تدهور حالته الصحية، بعد رفض أحد المستشفيات الكبرى في القاهرة، استكمال علاجه دون سبب، كما أشارت إلى أنه يتحمل النفقات المتفق عليها ويجري الفحوصات حسب الطلب لكنه في النهاية يقابل بالرفض.
وقالت والدة عمرو محمد علي في تصريحات لـ القاهرة 24: عمرو تعبان وحالته الصحية في تدهور لأن المستشفى اللي بيتعالج فيه بقاله 6 أشهر مخدش ولا جرعة فيها، ومش عارفة إيه السبب.
مرض عمرو محمد علي
واستكملت والدة عمرو محمد علي: كل ما بنروح المستشفى بيقولوا في قرار ويطلبوا تحاليل وندفع فلوس، طالما مش هيتعالج؛ بيطلبوا تحاليل وفلوس ليه؟! حقيقي أنا مش عارفة أعمل إيه أوقف علاج ولا استمر حالته بتسوء، وعايزة أعرف سبب رفض المستشفى إنه يكمل علاجه؟ يا ريت حد يساعدنا.
