ساكنين في الهرم ودار السلام.. Swan Lake يرفض دخول بعض المواطنين بسبب بطاقاتهم الشخصية
شاركت صانعة المحتوى جاسمين سامي، فيديو جديد مع متابعيها عبر منصة إنستجرام للتواصل الاجتماعي، مستاءة من رفض المسؤولين في Swan Lake لدخول بعض المواطنين المدعوين لحضور فعاليات إحدى المناسبات، بعد أن أبلغوا أنهم من مناطق شعبية مثل الهرم ومنطقة دار السلام.
وقالت جاسمين خلال الفيديو: شوفت بوست من واحدة كانت بتعمل Event لفريق عملها فيSwan Lake، وفجأة بعد الحجز بعتولها إيميل بـ توقف الحجز بدون إعلان سبب واضح، لحد ما هي سألتهم.
بطاقات الهوية الشخصية
وأضافت: هي قالت إنها خلال خطوات الحجز أرسلت كل بطاقات الهوية الشخصية لجميع أعضاء الفريق، وده إجراء طبيعي للتأمين، لكن لما سألت عن أسباب توقف الحجز، ردوا عليها بـ: لأن في اتنين من فريق العمل واحد ساكن في الهرم والتاني ساكن في دار السلام، ودول مش الطبقة الاجتماعية اللي احنا عايزينها تدخل.
وتابعت: ايه البجاحة دي.. احنا بقينا بنختار الناس على حسب هم ساكنين فين؟ الموضوع تخطى أزمة دخول المُحجبات، ولا بد من ضرورة اتخاذ إجراء حاسم لتوقف المهزلة.
