إمام عاشور يكشف ظروف رحيله عن الزمالك.. وحقيقة وجود كوبري لانتقاله إلى الأهلي
كشف إمام عاشور لاعب الأهلي كواليس رحيله من نادي الزمالك للاحتراف الخارجي وتحديدًا إلى صفوف فريق ميتلاند الدنماركي، وظروف تسجيل الفيديو الشهير الذي ظهر فيه مع المستشار مرتضى منصور رئيس النادي السابق، وحقيقة وجود كوبري لانتقاله إلى صفوف الأهلي.
إمام عاشور يكشف ظروف رحيله عن الزمالك.. وحقيقة وجود كوبري لانتقاله إلى الأهلي
وقال إمام في تصريحات تليفزيونية: وأنا في الزمالك جالي كذا عرض منهم في إسبانيا، مكنتش اعرف حاجة عن عرض ميتلاند، بس قررت أكمل وجددت في الزمالك ساعتها ومعرفش العقد أتوثق ولا لا.
وأضاف نجم الأهلي: لقيتهم بيكلموني الساعة 12 بالليل عايزينك دلوقتي، قالولي بالحرف الواحد أنت هتمشي، فيه نادي اسمه ميتلاند هتروحه قلتلهم مفيش مشكلة، روحت تاني يوم النادي لقيت العقود وكل حاجة هما مجهزينها، قلتلهم مفيش مشكلة وروحت ماضيت وعملت بعدها اللقاء على قناة الزمالك.
وأكمل إمام عاشور: لما كنت في ميتلاند ورجعت القاهرة اتعالج لقيت أحمد يحيى بيقولي أمير توفيق عايز يطمن عليك، الصراحة كلمني ومقاليش أي حاجة تخص الأهلي خالص، وهذا ما ينفي فكرة وجود تدخل من الأهلي لرحيلي من الزمالك، زعلان أن خطوة ميتلاند مكملتش، بس الحمد لله ربنا عوضني بالأحسن، أنا في أحسن نادي في إفريقيا وأي حد يتمنى يلعب في الأهلي.
