أحمد عبد الرحمن أبو زهرة: سعيد بمشاركة بناتي مع الأوركسترا الملكي البريطاني.. ووالدي لم يحضر نظرا لسنه
كشف الموسيقار أحمد عبد الرحمن أبو زهرة، عن تفاصيل مشاركة ابنتيه مريم وأميرة مع الأوركسترا الملكي البريطاني تحت قيادة المايسترو ستيفن بيل، في حفل المتحف المصري الكبير.
وقال أحمد عبد الرحمن أبو زهرة خلال لقائه مع القاهرة 24: منبهر بالجمهور وعلى احترامه وتعامله مع الأجواء وتجاوبهم مع الحفل، المتحف الكبير هو اللي مخلي الحفلة بالشكل ده وده يقول إن المكان عريق، والبنات بيشتغلوا على نفسهم في أوروبا وأمريكا وبيشتغلوا بنظام معين عشان يوصلوا للي هما فيه.
وكما تطرق أحمد عبد الرحمن أبو زهرة للحديث عن صحة والده الفنان الكبير، وقال: صحة الفنان عبد الرحمن أبو زهرة زي الفل ولما ولادي رجعوا مصر راحوا زاروه، ومحضرش انهارده عشان هو في سن معين وصعب يكون وسط جمع من البشر ومش هيقدر يتعامل مع الالافات دي، وصعب مريم وأميرة يدخلوا التمثيل زي جدهم، هما اختارو طريقهم خلاص.
حفيدتا عبد الرحمن أبو زهرة
مريم أبوزهرة تبلغ من العمر 15 عامًا في حين تبلغ أميرة 17 عامًا، وهما من أصغر عازفي الكمان المحترفين في العالم، ونجحتا في خطف الأنظار بعد مشاركتهما في الموسم الخامس من برنامج المسابقات الشهير Arabs Got Talent قبل عدة سنوات بعدما تألقا في العزف على آلة الكمان بمهارة شديدة، وقدمتا خلال مسيرتهما الصغيرة العديد من العروض الخاصة بهما في عدد من الدول مثل فرنسا، ألمانيا، بلجيكا، إيطاليا، سلطنة عمان، المجر.
