حسين فهمي عن المطالبة بتكريم شمس البارودي وميرفت أمين: أنا عايز أكرم عبلة كامل والوسط كله
رد الفنان حسين فهمي، رئيس مهرجان القاهرة السينمائي الدولي، على مطالبة الكاتب أكرم السعدني له بتكريم الفنانات شمس البارودي وميرفت أمين ونجلاء بدر، في الدورات القادمة للمهرجان.
وقال حسين فهمي، في لقائه مع برنامج ET بالعربي: أنا عايز أكرم السينما المصرية كلها، ليه شمس البارودي وميرفت أمين ونجلاء فتحي بالذات؟ أنا عايز أكرم عبلة كامل، ونجلاء بدر تستحق التكريم وأمينة خليل، وعادل أدهم كان صديق عزيز وكنت عايز أكرمه ورشدي أباظة.
حسين فهمي عن المطالبة بتكريم شمس البارودي وميرفت أمين: أنا عايز أكرم عبلة كامل والوسط كله
وواصل: منقدرش نتكلم في الأسامي لأننا عددنا كبير جدًا ما لا يقل عن 4000 فنان، ولكن لما بكرم واحد بيمثل الكل، يعني أنا النهاردة لما بكرم أحمد عز فهو بيمثل الجميع، ولما بكرم يسري نصر الله أنا بكرم كل مخرجين السينما المصرية من جيله.
وتابع حسين فهمي عن تكريمه بجائزة عمر الشريف بـ جولدن جلوب: أنا سعيد أني هاخد جايزة باسم عمر الشريف في جولدن جلوب، هو كان صديق عزيز جدًا عليا وكنت بحبه وبحترمه، وقابلته كتير في هوليوود، وعندي في المكتب جواكيت من اللي لبسها في أعماله.
وأعرب الفنان حسين فهمي، عن استيائه بسبب عدم التزام بعض النجوم بالـ Dress Code الخاص بالمهرجان، قائلًا: إحنا مهرجان درجة أولى، والتوكسيدو ده الـ Dress Code بتاع المهرجانات الدولية أنا مش مخترع ولا بعمل حاجة من عندي.
