عمرو سعد: محدش يجرؤ يقول على أي دور قدمته لو فنان تاني عمله كان هيبقى أفضل
تحدث الفنان عمرو سعد، عن بداياته الفنية، وذلك على هامش ندوته المقامة حاليًا، على المسرح المكشوف بدار الأوبرا المصرية، ضمن فعاليات مهرجان القاهرة السينمائي الدولي في دورته الـ45.
عمرو سعد: كنت من المحظوظين إني شُفت نجيب محفوظ
وقال عمرو سعد على هامش ندوته: كنت من المحظوظين إني شُفت نجيب محفوظ وقعدت معاه من وأنا عندي 18 سنة، ولما بفكر في تجربتي بشوف إن ربنا أنعم عليا بناس كتير شوفتهم وقعدت اتكلمت معاهم زي أحمد زكي ومحمود عبد العزيز وعادل إمام.
وتابع عمرو سعد: مش عايز حد يتفرج على عمل ليّا ويقول فنان آخر كان ممكن يقدمه أفضل، والحمد الله مفيش دور عملته يجرؤ حد يقول عليه كدة، كنت بقفل الأدوار اللي بعملها تمامًا، ولما بشوف نجم عمل دور حلو بغير.
وأضاف عمرو سعد: لاحظت إن التعليم التمثيلي في مصر غايب عننا وإن مصر عندها معهد مسرح وتكنيك المسرح غير الدرامي والسينمائي، وأدركت إن فيه اجتهاد شخصي لهؤلاء النجوم اللي علموا نفسهم، لأن فيه تفاوت بين القدرة على التجسيد وبين التعليم النظري، ووقتها كان عندي طموح إن أبقى ممثل بيقدم مستوى متطور من التمثيل.
وأضاف عمرو سعد: ممثلين عباقرة بس صعوبة الإنتاج في مصر ومفيش رفاهية كتير عندنا في إعادة المشاهد زي الأمريكان ولا في كوتش تمثيل، مكنش عندنا ثقافة كافية فعشان كدة ممثلين زمان عباقرة وبمجهود ذاتي قدروا يعملوا ده.
أعمال عمرو سعد
يذكر أن عمرو سعد غاب غاب عن الموسم الرمضاني الماضي، وكان آخر أعماله مسلسل الأجهر في رمضان 2023، الذي حقق نجاحا كبيرا وشارك فيه كل من ناهد السباعي، درة، ونور خالد النبوي. كما يواصل حاليا تصوير فيلمه الجديد الغربان، من تأليف وإخراج ياسين حسن، بمشاركة نجوم مثل مي عمر، ماجد المصري، وأسماء أبو اليزيد.
