ويجز يرد على تصريحات رامي صبري: مطربين الراب معديينك.. أنت رقم 19 وبعيد أوي
أعرب مطرب الراب ويجز، عن استيائه من تصريحات الفنان رامي صبري، حول عدم فهمه كلمات أغاني ويجز.
وقال ويجز، في مقطع فيديو عبر حسابه الشخصي بموقع إنستجرام: هتكلم على فنان فاكر أن عنده صلاحية يطلع في أي وقت يتكلم على حد والناس تسمع وتسكت، الفنان ده اسمه رامي، كل ما يقعد 5 شهور يزهق يطلع يتكلم في التليفزيون عن بتوع الراب، طيب أنت بتتكلم إمتى على بتوع البوب اللي أنت منهم؟، هتتكلم إمتى على فنك ومجالك؟.
وأضاف ويجز: أنا شايف أنك مبتفهمش في الراب زي ما قلت قبل كده ومش هتعرف تعمله، أنت مبتقدرش الفنانين دول، أنت مفكر أنهم بيحاولوا يوصلوا في مستوى أنت فيه مع أنهم معديينك، أنت مش رقم 2 يا رامي أنت رقم 19، أنت بعيد أوي بجد.. واستنوا أغنيتي الجديدة مش هقولهم هي عن إيه أستاذ رامي ممكن يقولنا كلنا لو فهم.
تصريحات رامي صبري عن ويجز
وتحدث الفنان رامي صبري، عن إمكانية تعاونه مع مطرب الراب ويجز، وذلك بعد الخلاف الذي نشب بينهما خلال الفترة الماضية بسبب تصريحاته حول عدم فهمه لـ كلمات أغاني ويجز، قائلًا: أوافق أتعاون مع ويجز هو شاطر ومجتهد وناجح، وأنا لسه عند كلامي أني مبفهمش كلمات أغانيه، في أغاني بتاعته لغاية دلوقتي مبفهمش كلماتها.
