دفاع المتهم بإنهاء حياة سيدة النهضة: موكلي أجرى عملية بالمخ أثرت على أعصابه مما يستحيل ارتكابه الجريمة
استمعت هيئة محكمة شمال القاهرة، لمرافعة دفاع المتهم بقتل سيدة النهضة خلال جلسة محاكمة موكله، بتهمة بقتل سيدة النهضة وإلقاء أجزاء مبعثرة من جثمانها في نواحي منطقة النهضة بالقاهرة، بعد إقدامه على التخلص منها بسبب خلافات الجيرة.
تصريحات دفاع المتهم بإنهاء حياة سيدة النهضة
وطالب دفاع المتهم، بسماع شهادة الطبيب الشرعي، وكذلك سماع أقوال الجيران وتحديدًا الشاهدة الرابعة والخامسة، ومعرفة أقوالهم حول الواقعة.
كما طالب دفاع المتهم، بعرض المتهم على الطب الشرعي، إذ إنه أجرى عملية بالمخ قبل الواقعة، مبررا أنها من الممكن أن تكون أثرت على أعصابه مما يستحيل معه ارتكاب الواقعة وإنهاء حياة السيدة وتقطيع جثمانها.
وفي وقت سابق، حصل القاهرة 24 على التحقيقات في قضية مقتل سيدة النهضة على يد جارها والتي جاءت كالآتي:
وبسؤال المتهم عن تفصيلاته حول الواقعة، أجاب على النحو التالي:
اللي حصل إن الست سماح دي كانت بتخر مياه من شقتها عليا باستمرار وكنت بقولها مرة واثنين وعشره يا ستي صلحي الماسورة الشقة كلها ميه وفي كهرباء وأنا بتكهرب كل شويه مكنتش بترضي ولا تعمل حاجة حتى قولت لشخص يطلعلها وفعلا راحلها وقالها تصلح الحاجة عشان الشقة عندي فضلت تزعقله وقالتله أنا مش هعمل حاجة والراجل مشي من عندها وقالي أنا معرفتش أعمل حاجة.
وأضاف المتهم: كانت دائمًا تتخانق مع السكان مع إنها كانت كويسة لكن فجأة حالها اتشقلب يمكن بسبب ضيق الحال معرفش مع إن الناس كلها كانت بتساعدها بما فيهم أنا، وكانت علاقتي بيها كويسة حتى كانت بتنزل تشتغل يومين ثلاثة ويمشوها وكانت بتقولي إن هم بيمشوها علشان عاوزين ناس أحلى وشكلها أجمل منها، وكانت عاملة مشاكل مع السكان كلهم وكانت بتعملهم قواضي وتقول واحد اتحرش بيا ومره واحد سرقني وكانوا كلهم بيتحبسوا.
واستكمل المتهم: وفي يوم وأنا واقف في البلكونة لقحت عليا بالكلام وبعدين قبل الموضوع ده بيوم كده لقيتها على السلم قولتلها أنتي فتحتي الهويس عليا أنا الشقة كلها ميه وأنا مش معايا فلوس للكلام ده ولا تكلفة علشان أصلح، وكانت تزعق وتتكلم معايا بطريقة وحشه جدا، وحتي وهي نازلة الصبح لو قابلتني متقوليش صباح الخير.
