نجوى إبراهيم تنتقد إقامة الأفراح والحفلات بالأهرامات: بكيت لما شفت عمال بيكسروا الحيطة ويعملوا ألوان
انتقدت الإعلامية نجوى إبراهيم، إقامة الحفلات وحفلات الزفاف على سفح الأهرامات، معربة عن استيائها من التعديلات التي يتم إجراؤها من أجل إقامة الحفلات.
وقالت نجوى إبراهيم، في تصريحات إذاعية: زعلت وقعدت أبكي لما شفت عمال مصريين جالهم طلب أنهم يكسروا في الحيطة، بقى في غلطات مبهرة بنشوفها دلوقتي، يعني إيه أشوف عامل معاه أجنة وبيكسر في الحيطان لأنه بيمد سلك علشان في فرح؟، ويجي واحد عايز يجوز بنته يقول أنا مش عاجبني لون الأهرامات واعملهالي أحمر، حمدت ربنا أنهم معملوهاش بمبي وأخضر.
نجوى إبراهيم
وعلى جانب آخر، سبق وأن كشفت نجوى إبراهيم عن رأيها في الأبناء الذين يرسلون والدهم أو والدتهم إلى دار المسنين بسبب انشغالهما، حيث قالت في برنامجها الإذاعي: ساعات نقول هنشاهد اليوتيوب، ونلاقي الناس مطلعة فيديوهات شاهد فلان أدخل والدته دار المسنين، موضوع علاقتنا بدار المسنين ممكن يكون إيجابي جدا، أنت أو إنتي مش فاضيين مسافرين أو عندكم شغل، ووالدتك مش لاقية حد يتكلم معاها فتودوها دار المسنين، أو حتى لو تعبانة هيكون معاها ممرضة وأيضًا ونس صديقة في المكان.
تصريحات نجوى إبراهيم، أثارت جدلًا كبيرًا وحرصت على توضيح مقصدها من التصريحات، حيث قالت لـ القاهرة 24: الكلام المنتشر متاخد جزء صغير منه، عشان يتعمل منه تريندات، وأنا مطلبتش ولا قلت ودوا أهلكم دار مسنين لأن ده ميصحش دينيًا ولا أخلاقيا، مينفعش تجيبوهم تبهدلوهم في البيت وتسيبوهم للشغالين وهما كبار، ساعتها ودوهم الدار أفضل.
