ماكنش شايف قدامه.. أقوال الشهود في واقعة دهس نجل زوجة الشيف الشربيني عامل دليفري|خاص
كشفت التحقيقات في واقعة دهس عامل الدليفري على يد نجل زوجة الشيف الشربيني بطريق الشيخ زايد بالجيزة، تفاصيل جديدة.
التحقيقات في واقعة نجل زوجة الشيف الشربيني
وحصل القاهرة 24 على نص أقوال شهود العيان في واقعة دهس عامل دليفري على يد نجل زوجة الشيف شربيني بالشيخ زايد في قضية رقم 1268 لسنة 2024 جنح أول الشيخ زايد، وجاءت أقوال الشهود كالآتي:
س: ما هي حالة الطريق من حيث المارة والمركبات؟
ج: الدنيا كانت هادية ومفيش حركة عربيات أو ناس كثير علشان الوقت كان متأخر.
س: ما هي حالة الطريق من حيث مهدئات السرعة (المطبات)؟
ج: مكنش في مطبات في الشارع
س: هل حاول قائد المركبة المتسببة بالحادث في تفادي حدوثها؟
ج: هو أصلا مكنش شايف قدامه علشان قافل الأنوار وماشي بسرعة جنونية.
س: هل استخدم قائد المركبة المتسببة في حدوث الواقعة آلة التنبيه والفرامل؟
ج: لا هو خبطه وجري على طول.
س: هل حاول قائد المركبة إسعاف المجنى عليه؟
ج: لا.
س: هل حاول قائد السيارة الهروب؟
ج: أيوة وهو فعلا هرب واختفى مرة واحدة.
س: هل حاولت منعه من ذلك؟
ج: أيوة أنا جريت وراه بعربيتي لغاية ما وقف وحاولت أخليه موجود لكنه اختفى مرة واحدة.
س: هل ممكن أن تتعرف على ذلك الشخص حال عرضه عليه؟
ج: أيوة .
س: ما هي السرعة التي كان يسير بها قائد المركبة المتسببة في الواقعة؟
ج: هو كان ماشي بسرعة جنونية زياده عن 200 كيلو في الساعة، ولما الناس اتلمت فيه حد قال إنه كسر الإشارة بتاعه ميدان رايد الفين.
