تامر حسني يتخذ إجراء قانونيا ضد صفحة وهمية: أنا غير مسؤول.. ولو فيه جهة بتوزع بطاطين للمحتاجين يكلموني
أعلن الفنان تامر حسني، اتخاذه إجراء قانونيا ضد صفحه وهميه تزعم بأنها صفحته الرسمية وتطلب تقديم المساعدة للمحتاجين من الجمهور.
ونشر تامر حسني عبر حسابه الرسمي بموقع تبادل الصور والفيديوهات، إنستجرام منشورا قال فيه: اللي عامل البوست وحاطط الرقم ده للأسف كداب وحتى مستأذنيش والله أعلم ده رقم حقيقي ولا نصب.
وتابع: أنا غير مسئول عن أي بوست مش أنا اللي منزله في أي حاله زي كده ياريت ترجعوا لحساباتي الشخصية أول حاجة وأكيد هاخد إجراء قانوني ضد اللي عمل كده.
وقال: على العموم ياريته بجد كلمني لأني كنت هوافق فورا أعمل الحملة دي وأنا جاهز أعملها أصلا... ياريت لو في حاليا جهة مختصه بتوزع بطاطين لكل اللي بيناموا من غير غطا سواء في مصر أو فلسطين ياريت يتواصلوا معايا في أسرع وقت وشكرا.
وفي سياق آخر، نشرت صفحه تدعى أنها الصفحه الرسمية لـ الفنان تامر حسني ونشرت منشورا قالت فيه: جمهوري اللي بيحبني يلا هنعمل خير سوا ياريت لوحد يعرف ناس بتنام في الشارع بدون غطا يكلمنا على الأرقام دي.
