جمال صالح عن استجابة أشرف زكي لدخول دار مسنين: هروح قريب
أعرب الفنان جمال صالح، بطل فيلم مهمة في تل أبيب، عن سعادته لاستجابة الدكتور أشرف زكي نقيب المهن التمثيلية، لمناشدته بضرورة نقله إلى دار رعاية المسنين، بعد الظروف التي مر بها على مدار 15 سنة بسبب ابتعاده عن الساحة الفنية.
وقال جمال صالح، في تصريح خاص لـ القاهرة 24: أنا بشكر دكتور أشرف زكي إنه وافق أني أروح دار المسنين، مش جديد عليه إنه يقف جنب حد ده المتوقع منه.. إن شاء الله أروح قريب.
جمال صالح يناشد بنقله لدار مسنين
وسبق وناشد الفنان جمال صالح، الدكتور أشرف زكي نقيب المهن التمثيلية عبر القاهرة 24، وطلبه بنقله إلى دار رعاية المسنين، نظرًا للظروف الصحية والمالية الصعبة التي يمر بها بسبب عدم مشاركته في أعمال فنية، حيث كان آخر أعماله فيلم الدنيا لونها بمبي، الذي عرض عام 2009، فقال الفنان في لقائه: بطلب من الدكتور أشرف زكي إنه يدخلني دار المسنين، أنا كلمت أصدقائي يكلموه بس محدش رد عليا، أنا لو دخلت الدار هرتاح وهلاقي ناس أتكلم معاها ومش هصرف فلوس، وممكن أفكر وأخدم الناس اللي هناك معنديش مانع.
جمال صالح يكشف سبب ابتعاده عن الفن
وكشف الفنان جمال صالح سبب ابتعاده عن الفن لمدة 15 عام، حيث قال في لقائه مع القاهرة 24: أنا معتزلتش الفن ولكن مفيش أعمال بتتعرض عليا ومعنديش مصدر دخل تاني غيره، والفن مرض بيصيب الإنسان، وغلطت لما اعتمدت عليه ومحاولتش أشوف مصدر دخل تاني، ودلوقتي العمر بيجري ومفيش وقت اشتغل أو أتعلم حاجة تانية، وحاليًا عايش على فلوس الخدمات اللي بقدمها والمساعدات، وبنتي مش بتسألني مش بتشتغل ليه.
