الدخول بتقييم حسابك على إنستجرام.. شروط بعض الكافيهات في إسكندرية تثير الجدل
من خلال تقييم حسابك على منصة إنستجرام.. هكذا كانت أبرز الشروط الغريبة التي فرضتها مجموعة من الكافيهات والمطاعم بـ محافظة الإسكندرية، قبل أن تتعرض لانتقادات واسعة عبر مواقع التواصل الاجتماعي، حيث عبر العديد من المستخدمين عن استيائهم بسبب وضع عدد من الكافيهات شروطًا مُقننة لدخولها، وهو ما يُسمى بـ الدور سيليكشن.
شكاوى ضد كافيهات بـ الإسكندرية
نشر عدد من مستخدمي مواقع التواصل الاجتماعي فيديوهات عبر حسابتهم على منصة تيك توك، تُفيد بـ أن بعض الكافيهات في الإسكندرية أصبحت تفرض معايير غير منطقية لدخولها لتقييم المستوى الاجتماعي للزبائن، وذلك من خلال إرسالهم حساباتهم الشخصية على منصة إنستجرام لإدارة الكافية، وعلى أساس المظهر الاجتماعي للشخص وبيئته وما يتناوله حسابه على السوشيال ميديا، يتم الموافقة وتأكيد الحجز أو رفضه وهو ما يسمى بـ الدور سيليكشن.
شكاوى مستخدمين من الدور سيليكشن
وعبر شخص يُدعى عبدالله محمود، عن استيائه الشديد في فيديو نشره عبر حسابه الشخصي بـ منصة إنستجرام للفيديوهات، قائلًا: يا جماعة إحنا بنشوف في إسكندرية عبث حقيقي، وأغرب حاجة شوفتها إن عشان أدخل حد يطلب إرسال حسابي.. بجد الكافيهات بقت مزوداها في إسكندرية.. عشان أشوف مناظر الناس اللي جاية قبل ما تيجي، وأنا كنت رايح أدخل عادي جدا وبعتله لينك الحساب، والمدير بعتلي واحد قال لي مش هينفع تدخل للأسف عشان كله محجوز مع أن الترابيزات كان أغلبها فاضي.
وشارك شاب آخر يُدعى أدهم إيهاب فيديو عبر منصة تيك توك، قائلًا: دلوقتي في موضوع غريب أوي في اسكندرية اسمه دور سيليكشن، تروح تدخل الكافيه يقولك أنت حجزت، أو بعت إنستجرام أكونت أنت وصحابك، وبعدين يفتح إنستجرام بتاعك ويشوف حسابك، لا ده شكله فقير واحدة تانية يلاقيها متصورة، صورة في مراسي خلاص دي غنية ويلا ندخلها وأنت مينفعش تدخل، هو ده طبيعي يعني، إحنا وصلنا لهذه الدرجة من الطبقية والمفروض أن أي حد معاه فلوس يدخل.
ونشر شاب يُدعى علي ناصر فيديو عبر حسابه بمنصة تيك توك قال فيه: إيه اللي بيحصل في إسكندرية ده، كل الكافيهات دلوقتي طالعين لينا في دور سلكشن.. أنا بقالي كتير جدا مبقعدش في كافيهات.. وأما بروح ببقى عايز أروق دماغي ألاقي اللي يقول لي دور سلكشن عن طريق إنستجرام.
وأضاف: كلمتهم عشان أحجز قال لي ابعتلي أكونتات إنستجرام للناس اللي هتيجي الكافية ونشوف أنتو تخشوا عندنا أو لا، عشان دي قواعد المكان وممكن ذوقك مش مناسب معاها، ويا ريت أصلا في الآخر المكان حلو أو فيه ديكورات، ده كمان لجودة اللي بتتقدم مش أحسن حاجة.
