سيدة تستغيث من تعرض ابنها للضرب في مركز دروس خصوصية: المدرسة قالتلي كنت بهزر
استغاثت سيدة تدعى سمر سرور، من تعرض ابنها لـ الضرب في سنتر دروس خصوصية، على يد معلمته، ونشرت عبر حسابها بموقع تبادل الصور والفيديوهات إنستجرام، صورة بها آثار ضرب على ساق ابنها.
سيدة تستغيث من تعرض ابنها للضرب في الدرس
وقالت سمر سرور، والدة الطالب أدم الذي تعرض للضرب، عبر خاصة ستوري بموقع إنستجرام، مكنتش أتخيل في يوم إني أنزل بوست زي دا، بس دي رجل آدم ابني اللي مش هسيب حقه، ابني اللي الكل بيشهد بأدبه وأخلاقه وشطارته، وحتى لو مش مؤدب ولا شاطر، مش من حق أي بني آدم على الأرض يمد إيده عليه.
وأضافت سمر سرور، والدة الطالب آدم الذي تعرض لـ الضرب في مركز الدروس الخصوصية: ابني اتضرب الضرب ده بخرطوم عشان مخدش باله من صفحتين في الواجب معملهومش، البني أدمة اللي ضربته مدرسة في سنتر دروس، ومدرسة ورئيسة قسم اللغة العربية في إحدى المدارس، رحت لها أوريها اللي عملته في ابني وشافت صورة رجله ترد تقولي بمنتهى البرود مش للدرجة دي يعني.
وأضافت والدة الطالب آدم، الذي تعرض لـ الضرب من قبل مدرسته، ولما اتصلت بيا تعتذر وتعيط تقولي ده كان هزار.. طيب تعالي أهزر معاكي نفس الهزار زي ما عملتي في ابني، والله لأدفعك ثمن كل دمعة نزلت من ابني وكل اللي حس به وانتي بتضربيه، ولكل الناس اللي كلمتني وأمهات أصحاب ابني اللي شايفين اني مكبرة الموضوع أنا ولادي خط أحمر، ولو انتوا اتربيتوا على كده وبتربوا ولادكم على كده انتوا أحرار، لكن أنا ولادي لا.
