هيجيلي موجوع أغنية السنة وتووليت المطرب الأكثر صعودا.. أبرز جوائز حفل بيلبورد عربية بالسعودية
يقام حاليا حفل جوائز بيلبورد عربية، بالمملكة العربية السعودية، وهو حدث موسيقي مهم يتسم بطابع خاص، يهتم بالموسيقيين والأعمال الموسيقية.
ومن أبرز جوائز الحفل، فوز أصالة نصري وأحمد سعد بجائزة أفضل دويتو عربي، عن أغنيتهما سبب فرحتي، وتسلم الجائزة أحمد سعد، في غياب أصالة، وقال: مبسوط وكان نفسي يكون عندي إحساس عالي وأعيط زيكم بس معنديش الكلام ده.
وأضاف أحمد سعد: بحس إن من السذاجة إن يكون عندك انتماء لحاجة أنت مولود أصلا عليها، لازم يكون عندك يد في الانتماء اللي بتنتميله، يعني أنا بحب مصر عشان هي بلدي والناس اللي فيها بحبهم وناس لذيذة وياما علقنا مع بعض زينة رمضان وأخدنا بطولات.
حفل جوائز بيلبورد عربية
وأردف أحمد سعد: كمان بحب السعودية جدا، متولدتش فيها بس بحس إن الناس كلهم أهلي، اللي جم في الحفلات وفي النص كملوا الأغاني لما بسكت، بحس إنهم بينتمولي بعيد عن جنسيتي، وبشكر اللي صوتولي من كل الدول العربية، وبهدي نص الجايزة لـ أصالة.
أما جائزة أغنية السنة، فذهبت للمطرب تامر عاشور، عن أغنيته هيجيلي موجوع، وعلق قائلا: بشكر بيلبورد والسعودية على استضافة المهرجانات وبشكر فريق عمل أغنية هيجيلي موجوع، وبشكر جمهور المملكة العربية على انتشار هيجيلي موجوع وربطها بـ أماكن معينة في بلدهم اللي هي بلدي.
كما فاز المطرب المقنع تووليت، بجائزة الفنان الأكثر صعودا، وعلق: شكرا إن في فرصة لظهور الشباب، وبهدي الجايزة لأهلي أمي وأبويا اللي بيتفرجوا عليا دلوقتي.. أتمنى يكونوا فخورين بيا.
بالإضافة إلى جائزة أفضل أغنية مهرجان، التي فاز بها إسلام كابونجا وكالوشة، وعلق كابونجا: سامحوني على أي كلمة هتلغبط فيها عشان أول مرة أتحط في الموقف ده، وكالوشة اللي معايا في كل الأغاني اتوفى فـ حابب أهديله الجايزة دي.
