سارة نخلة ردًا على تصريحات هادي الباجوري: كلامك فيه تجاوز لقيم المجتمع العربي
ردت الإعلامية والفنانة سارة نخلة، من خلال برنامجها آخر اليوم، المذاع على قناة هي، على تصريحات المخرج هادي الباجوري التي اعتبر فيها القبلة في الأفلام ليست عيبًا، مؤكدة أن هذا الرأي يتجاوز القيم والمبادئ الراسخة في المجتمع.
سارة نخلة ردًا على تصريحات هادي الباجوري: كلامك فيه تجاوز لقيم المجتمع العربي
وقالت سارة: إزاي تستهين بالقيم والمبادئ اللي مجتمع كامل متربي عليها بالشكل ده؟ يعني حضرتك شايف إن تعليم ولادنا إن البوسة بين اتنين مش متجوزين حاجة عادية؟ الكلام ده مش مجرد رأي، ده اعتداء واضح على قيم وأخلاق مجتمعنا.
وأضافت: السينما النظيفة مش مجرد شعار فاضي، دي محاولة لتقديم فن يحترم مشاعر وأفكار الجمهور، ولما تقول السينما مبتستحماش يعني؟ ده كلام مستفز وتجاوز لكل الخطوط الحمراء.
سارة ركزت في حديثها على أهمية التوازن بين حرية التعبير واحترام القيم المجتمعية، مشيرة إلى أن الفن وسيلة تأثير قوية، ويجب أن يكون رسالة هادفة وقالت: كتير بيتكلموا عن حرية التعبير، بس الحرية دي عمرها ما كانت تبرير للإساءة أو الاستفزاز.
واختتمت حديثها بتوجيه رسالة مباشرة لهادي الباجوري قائلة: يا أستاذ هادي، لو عندك مشكلة مع القيم اللي مجتمعك متربي عليها، مفيش حد أجبرك تلتزم بيها، لكن ما ينفعش تطلع تهاجمها بالشكل ده، اللي قلته مش رأي ولا إبداع، ده استهزاء واستخفاف بعاداتنا وتقاليدنا، وده شيء مرفوض تمامًا.
