جاد شويري: الحلق مش هينقص من الرجولة.. وأفضل للأطفال يشوفوا قبلات بدل مشاهد حرب غزة
علق الفنان والمخرج اللبناني جاد شويري، على انتقادات ارتدائه أقراطا في أذنيه، بجانب الحديث عن تصريحاته حول مشاهدة الأطفال للقبلات أفضل من مشاهدة حرب غزة.
جاد شويري: الحلق مش هينقص من الرجولة.. وأفضل للأطفال يشوفوا قبلات بدل مشاهد حرب غزة
وقال جاد شويري في تصريحات تلفزيونية: أنا مش شايف أن الحلق بس للست، مش هينقص من رجولة الراجل لو لبس حلق أو عمل شعره أصفر، الموضوع بقى سخيف، هوا البنت لو قصرت شعرها بيقلل من أنوثتها؟، ساعات بنشوف بنات شعرها طويل وإخوات الرجالة، وساعات بنشوف رجالة أنعم من اللي لابسين حلق.
وتابع جاد شويري، عن تصريحاته المثيرة حول مشاهدة الأطفال لمشاهد الحرب في غزة: أنا قلت أن القبلة بتعبر عن الحب وبنشوفها كل يوم، ده مش هيبوظ فكر ووجدان طفل زي ما بيشوف كل يوم أطفال بتتقطع في غزة، الأهالي لازم يحجبوا العنف قبل ما يحجبوا القُبلة أو العُري عن أطفالهم.
كما علق جاد شويري، على انتقادات الجمهور لمشاهد العُري في كليباته: الأخلاق مبتجيش من أنتي لابسة ولا متعرية، الأخلاق بتيجي من الفكر وأنك واقفة مع الحق ولا لأ، وأنا عايز أكون حد حقيقي، إحنا مجتمع شرقي منفتح على كل حاجة.
وأضاف جاد شويري: أنا اتولدت لأسرة مسيحية، وقرأت القرآن الكريم كله، واطلعت على البوذية والمهم الحب والتسامح، ونشوف غيرنا بطريقة إيجابية، ده أحلى دين.
